Ужо сёньня: шостая гадавіна «Маршу Свабоды» ў Менску

Падзея дня

2020 — самы масавы мірны марш у гісторыі Беларусі. Па розных ацэнках у ім удзельнічалі да 500 тысяч чалавек, а па ўсёй краіне ў тыя дні на акцыі пратэсту выйшлі каля 1 мільёну чалавек.

У гэты дзень

1634 — кароль і вялікі князь Уладзіслаў Ваза надаў Амсьціславу магдэбурскае права і герб: «у залатым полі збройная рука зь мечам — Малая Пагоня».

1924 — у Менску на кансьпірацыйнай кватэры чэкісты арыштавалі Барыса Савінкава, пісьменьніка і тэрарыста, лідэра антысавецкага падпольля.

1941 — у СССР апублікавалі загад, паводле якога чырвонаармейцаў, якія здаліся ў палон, абвяшчалі здраднікамі, а іх сем’і пазбаўлялі дзяржаўнай падтрымкі.

1945 — у Маскве паміж СССР і Польшчай падпісалі дамову аб савецка-польскай мяжы, у аснову якой паклалі «лінію Керзона», прапанаваную яшчэ ў 1919—1920 гадах. Згодна з дамовай, да Польшчы дэ-юрэ адышла амаль уся Беластоцкая вобласьць у складзе 17 раёнаў з абласным цэнтрам і 3 раёны Берасьцейскай вобласьці. Дэ-факта гэтыя землі перадалі яшчэ летась у верасьні. У межах польскай дзяржавы апынулася значная колькасьць беларускага насельніцтва.

1954 — у Менску заснаваны Беларускі інстытут мэханізацыі і электрыфікацыі сельскай гаспадаркі (з 1992 году — Беларускі аграрны тэхнічны ўнівэрсытэт, з 2001-га — БДАТУ).

1960 — Кіпр абвешчаны самастойнай дзяржавай.

1995 — большасьць насельніцтва Бэрмудзкіх астравоў на рэфэрэндуме прагаласавалі супраць незалежнасьці і за захаваньне статусу брытанскай калёніі.

2023 — у Нацыянальным гістарычным архіве Беларусі у Менску супрацоўнікі КДБ затрымалі сама меней 7 чалавек. Сярод затрыманых — намесьнік дырэктара па навуцы і загадчыкі аддзелаў.

У гэты дзень нарадзіліся

1831 — у маёнтку Кеміна Сеньненскага павету нарадзіўся Іпаліт Яўневіч, расейскі навуковец, аўтар першага навучальнага дапаможніка тэорыі пругкасьці на расейскай мове.

1878 ― Дамінік Сямашка, беларускі й літоўскі грамадзка-палітычны дзяяч.

1905 — Мікалай Гусараў, першы сакратар ЦК КПБ (1947—50).

1913 — Мэнахэм Бегін, шосты прэм’ер-міністар Ізраілю, ляўрэат Нобэлеўскай прэміі міру, нарадзіўся ў Берасьці.

1928 — Браніслаў Спрынчан, паэт.

1935 — Аляксандар Падлужны, беларускі мовазнаўца.

У памяці

1869 — Габрыэля Пузыня, пісьменьніца, паэтка, мэмуарыстка.

1976 — Ян Станкевіч, беларускі мовазнаўца, гісторык, палітычны дзяяч.

1977 ― Элвіс Прэсьлі, амэрыканскі сьпявак, кароль рок-н-ролу.​

1990 ― Язэп Семяжон, беларускі перакладнік і паэт.