Дата дня
27 ліпеня 1990 году Вярхоўны Савет БССР прыняў Дэклярацыю аб дзяржаўным сувэрэнітэце Беларускай ССР, якая 25 жніўня 1991 году атрымала статус канстытуцыйнага закону, а 19 верасьня таго ж году была дапоўненая палажэньнямі аб дзяржаўнай сымболіцы й назьве.
27 ліпеня 1906 году ў Менску нарадзіўся Ежы Гедройць, польскі палітычны мысьляр, выдавец і рэдактар часопіса «Kultura» ў Парыжы. Менавіта ён зьмяніў ход гісторыі ХХ стагодзьдзя, распрацаваўшы знакамітую геапалітычную дактрыну «ULB» (Украіна – Латвія – Беларусь). Ён першым сярод польскіх інтэлектуалаў заклікаў прызнаць незалежнасьць і непарушнасьць пасьляваенных межаў Беларусі, назаўжды адмовіўшыся ад імпэрскіх прэтэнзіяў на Вільню і Горадню. Гедройць ня толькі падтрымліваў беларускіх аўтараў на эміграцыі, але і заклаў трывалы фундамэнт для раўнапраўнага беларуска-польскага дыялёгу, а ягонае імя сёньня носіць галоўная незалежная літаратурная прэмія Беларусі.
Таксама ў гэты дзень
1320 — Бітва пад Меднікамі паміж войскам Тэўтонскага ордэну і войскам Вялікага Княства Літоўскага, скончылася перамогай войска ВКЛ.
1812 — Кобрынскi бой паміж напалеонаўскімі і расейскімі войскамі, які скончыўся перамогай расейцаў.
1944 — ад нацыстаў вызвалены Беласток, які зь верасьня 1939 году належаў БССР.
1953 — падпісанае пагадненьне аб перамір’і, якое спыніла баявыя дзеяньні Карэйскай вайны. Дакумэнт падпісалі прадстаўнікі Паўночнай Карэі, Кітаю і ААН (на чале з ЗША). Паўднёвая Карэя тады адмовілася ставіць подпіс, але пагадзілася выконваць умовы міру.
1955 — Скончылася акупацыя Аўстрыі, якая цягнулася з канца Другой усясьветнай вайны.
У гэты дзень нарадзіліся
1877 — Уладзiмер Перцаў, гісторык, акадэмік, заснавальнік мэдыявістыкі ў БДУ.
1896 — Язэп Горыд, віленскі беларускі мастак.
1929 ― Жан Бадрыяр, францускі філёзаф-постмадэрніст, сацыёляг, літаратар.
У памяці
1910 — Уладзіслаў Дыбоўскі, заоляг, батанік, палеантоляг, фалькларыст.
1969 — Яўхім Кіпель, беларускі пэдагог, дзеяч беларускай эміграцыі.
1988 — Серафім Татарын, грамадзкі дзяяч, стваральнік гурткоў Таварыства беларускай школы ў Слонімскім павеце, рэдактар газэты «Наша праўда», палітычны вязень польскіх і савецкіх лягераў.