Дзень у гісторыі
1097 — у «Аповесьці мінулых гадоў» упершыню згадваецца горад Пінск.
1410 — войскі Польшчы і ВКЛ пачалі аблогу Марыенбургу (цяпер Мальбарк, Польшча) — сталіцы Тэўтонскага ордэну. Камэндант Генрых фон Пляўэн здолеў утрымаць абарону крэпасці і выратаваў ордэн ад татальнага зьнішчэньня пасьля разгрому пад Грунвальдам.
1492 — у віленскай катэдры адбылася цырымонія ўзьвядзеньня Аляксандра Ягайлавіча на велікакняскі сталец ВКЛ. Магнаты заклікалі яго кіраваць краінай «паводле літоўскіх звычаяў і прыкладу Вітаўта», каб падкрэсьліць незалежнасьць дзяржавы.
1511 — Наваградак атрымаў Магдэбурскае права.
1956 — прэзыдэнт Эгіпту Гамаль Абдэль Насэр абвясьціў нацыяналізацыю Суэцкага каналу.
1997 — арыштаваныя журналісты Дзьмітры Завадзкі і Павал Шарамет.
1997 — у Менску адкрыўся Другі зьезд беларусаў сьвету.
2024 — у Парыжы адкрыліся XXXIII летнія Алімпійскія гульні.
У гэты дзень нарадзіліся
1856 — Бэрнард Шоў, брытанскі і ірляндзкі драматург.
1859 — Генрык Вейсенгоф, мастак.
1875 — Карл Густаў Юнг, швайцарскі псыхааналітык.
1896 — Уладзімер Варава, беларускі пісьменьнік і журналіст.
1948 — Уладзімер Плешчанка, інжынэр, удзельнік нацыянальна-дэмакратычнага руху 1980-х — пач. ХХІ ст.
1949 — Марыя Мацюкевіч, беларуская настаўніца.
1965 — Зьміцер Саўка, беларускі філёляг і мовазнаўца, адзін з аўтараў сучаснай нармалізацыі беларускага клясычнага правапісу (2005).
У памяці
1931 — Міхал Пятроўскі, беларускі хадэцкі дзяяч, каталіцкі сьвятар, прыхільнік беларусізацыі Касьцёлу ў Беларусі.
1933 — Францішак Грынкевіч, ксёндз, беларускі каталіцкі дзяяч.
1984 — Васіль Барысенка, літаратуразнаўца.