Са спасылкай на Белгідрамэт паведамляецца, што з 13 да 19 гадзін у гэтых рэгіёнах чакаюцца навальніцы, месцамі моцныя ліўні, у асобных раёнах град.
«Неспрыяльныя з’явы захаваюцца да 23 гадзін», — адзначае ведамства.
МНС традыцыйна заклікала грамадзян і кіраўнікоў арганізацый прыняць меры засьцярогі ў сувязі з непагаддзю.
Раней 12 ліпеня МНС паведаміла пра «фактары небясьпекі» ў сувязі з непагаддзю. Ведамства папярэдзіла, што магчымыя «пашкоджаньні (абрывы) ліній сувязі і электраперадач, адключэньне электрычных падстанцый, электраэнэргіі ў населеных пунктах, узьнікненьня лясных пажараў».
Таксама не выключаныя «пажары ў жылых і вытворчых будынках, зьніжэньне бачнасьці, цяжкасьць руху транспарту, павелічэньне верагоднасьці дарожна-транспартных здарэньняў, падтапленьне асобных дамоў, гаспадарчых пабудоў, агародаў, сельгасугоддзяў, аўтадарог мясцовага значэньня».
Адзначалася, што 12 ліпеня ў Беларусі будзе воблачна з праясьненьнямі. На большай частцы тэрыторыі кароткачасовыя дажджы, у асобных раёнах навальніцы. У дзённыя гадзіны месцамі па паўночным усходзе моцныя дажджы. Вецер паўночна-заходні 3–8 м/с, пры навальніцах парывы да 14 м/с. Тэмпэратура паветра — 18–24 градусаў, у паўночных раёнах — да 26.
Форум