Ужо сёньня: 80 гадоў Уладзімеру Някляеву

Дата дня

9 ліпеня 1946 году ў Смаргонях нарадзіўся Ўладзімер Някляеў, беларускі паэт, празаік і грамадзка-палітычны дзяяч, ляўрэат шэрагу прафэсійных і дзяржаўных узнагародаў за літаратурную дзейнасьць.

Працаваў журналістам, літаратурным работнікам. Жыў у эміграцыі ў Польшчы і Фінляндыі, затым вяртаўся ў Беларусь, цяпер зноў у эміграцыі. У 2010 годзе вылучаўся ў прэзыдэнты Беларусі. Стаў ахвярай сілавога нападу ў дзень выбараў.

У час новай эміграцыі выдаў зборнік вершаў «Без Айчыны. Кніга турмы і замежжа».

Гэты дзень у гісторыі

1357 — у Празе закладзены Карлаў мост.

1807 — у Тыльзыце падпісаная мірная дамова паміж Францыяй і Прусіяй, паводле якой прускія землі — Беласток і ваколіцы, населеныя пераважна беларусамі, — аддалі Расеі. (Дарэчы, Тыльзыт з 1946 году — горад Савецк Калінінградзкай вобласьці).

1810 — Напалеон далучыў Каралеўства Галяндыя да Францускай імпэрыі.

1816 — Злучаныя правінцыі Паўднёвай Амэрыкі, будучая Аргентына, абвясьцілі незалежнасьць ад Гішпаніі.

1906— у вёсцы Мікалаеўшчына адбыўся нелегальны настаўніцкі зьезд, разагнаны паліцыяй. За ўдзел у ім звольнілі 13 настаўнікаў, сярод іх Кастуся Міцкевіча (Якуба Коласа) і Івана Фёдарава (Янку Маўра).

1920 — у Менску выйшаў апошні нумар штодзённай газэты «Беларусь». Разам са спыненьнем газэты разьвеяліся і ілюзіі адраджэнцаў наконт свабоднага разьвіцьця беларушчыны пад савецкай уладай.

1955 — у Менску адкрылася Дзіцячая чыгунка.

1997 — Украіна падпісала дамову аб супрацоўніцтве з NATO.

2011 — Паўднёвы Судан стаў незалежнай дзяржавай, выйшаўшы са складу Судану.

У гэты дзень нарадзіліся

1834 — Ян Нэруда, чэскі пісьменьнік.

1883 — Аляксандар Дубах, савецкі акадэмік, які распачаў мэліярацыю беларускіх балот.

1894 — Пётра Капіца, савецкі фізык, акадэмік, ляўрэат Нобэлеўскай прэміі ў галіне фізыкі (1978).

1904 — Людміла Краскоўская, славацкая гісторык і археоляг беларускага паходжаньня, дачка Івана Краскоўскага.

1930 — Чэслаў Сенюх, літаратар і перакладнік беларускай літаратуры на польскую мову.

1933 — Элем Клімаў, савецкі кінарэжысэр. У 1985-м зьняў фільм «Ідзі і глядзі» паводле сцэнару Алеся Адамовіча. Здымкі адбываліся ў Бярэзінскім запаведніку на тэрыторыі Віцебскай вобласьці. Паводле вэрсіі часопіса Time Out, фільм — найлепшая кінастужка пра Другую ўсясьветную вайну.

1938 — Лія Ахеджакава, расейская акторка тэатру і кіно.

1940 — Сева Наўгародцаў, музычны камэнтатар расейскай службы BBC.

1946 — Уладзімер Някляеў, беларускі паэт, празаік і грамадзка-палітычны дзяяч, ляўрэат шэрагу прафэсійных і дзяржаўных узнагародаў за літаратурную дзейнасьць.

1954 — Сьвятлана Гарбунова, скульптарка (помнік Сымону Буднаму ў Нясьвіжы).

1956 — Том Гэнкс, амэрыканскі актор і прадусар.

У памяці

1441 — Ян ван Эйк, галяндзкі мастак.

1677 — Ангелюс Сылезіюс, нямецкі паэт-містык.

1947 — Люцыян Жалігоўскі, польскі вайсковы і палітычны дзяяч, генэрал.

1996 — Сяргей Курохін, расейскі музыка-авангардыст, кампазытар, рок-піяніст, мастак і рэжысэр, стваральнік і кіраўнік групы «Поп-механика».