Дата дня
8 ліпеня 1861 году, 165 гадоў таму, нарадзілася Марыя Магдалена Радзівіл (у дзявоцтве Завіша), мэцэнатка, дзяячка нацыянальна-вызвольнага руху пачатку ХХ стагодзьдзя. Яна фінансавала беларускія выдавецтвы і пэрыёдыку, падтрымлівала выданьне кніг беларускіх аўтараў, адкрывала беларускія школы.
Таксама ў гэты дзень
51 да н.э. — сымбалічны дзень заснаваньня Парыжу, у 1951 годзе сталіца Францыі сьвяткавала сваё 2000-годзьдзе. Гістарычна ж горад упершыню апісаў Юлі Цэзар пад 52 годам да нашай эры, апавядаючы пра бітву падчас Гальскай вайны.
1709 — Палтаўская бітва, перамога войскаў расейскага цара Пятра І над арміяй швэдзкага караля Карла ХІІ.
1796 — дзяржаўны дэпартамэнт ЗША выдаў першы пашпарт грамадзяніна ЗША.
1910 — асобнай кнігай у Санкт-Пецярбургу выходзіць паэма Янкі Купалы «Адвечная песьня».
1959 — у Маладэчне на базе Маладэчанскага абласнога краязнаўчага музэю заснаваны Менскі абласны краязнаўчы музэй
1969 — пачаўся вывад амэрыканскіх войскаў з Паўднёвага Віетнаму (завяршыўся праз тры з паловай гады).
1993 — у Менску пачаўся Першы зьезд беларусаў сьвету, які сабраў каля тысячы дэлегатаў зь дзясяткаў краінаў.
2008 — тэлеканал «Белсат» пачаў вяшчаньне са спадарожніка Sirius.
2021 — ператрус у рэдакцыі „Нашай Нівы“, арыштаваныя супрацоўнікі Ягор Марціновіч, Андрэй Скурко, Андрэй Дынько. Марціновіч і Скурко правядуць у турме 2,5 гады і выйдуць на волю. Дынько правёў на Акрэсьціна 13 сутак.
У гэты дзень нарадзіліся
1621 — Жан дэ Ляфантэн, францускі паэт, байкапісец.
1861 — Магдалена Радзівіл, беларуская мецэнатка.
1838 — Фэрдынанд Цэпэлін, нямецкі авіяканструктар, стваральнік дырыжабля.
1894 — Пётр Капіца, расейскі фізык, ляўрэат Нобэлеўскай прэміі.
1839 — Джон Ракфэлер, амэрыканскі прамысловец, які заснаваў нафтавую кампанію «Стандард ойл», адзін з найбагацейшых людзей у сучаснай гісторыі — у пераліку на сёньняшні курс багацьце Ракфэлера ацэньваецца больш як у $300 мільярдаў.
1929 — Канстанцін Ціхановіч, беларускі графік.
1949 — Уладзіслаў Завальнюк, беларускі рэлігійны і культурны дзея, рыма-каталіцкі сьвятар, тэоляг, шматгадовы пробашч касьцёла сьвятых Сымона і Алены ў Менску.
1972 — Вольга Караткевіч, беларуская літаратарка, журналістка.
У памяці
1796 — Адам Нарушэвіч, беларускі паэт і гісторык.
1863 — Адам Пуслоўскі, студэнт, удзельнік нацыянальна-вызвольнага паўстаньня 1863–1864 гг., ахвяра расправы расейскіх калянізатараў.
1889 — Флярыян Мiладоўскi, беларускі кампазытар і піяніст.
1932 — Аляксандар Грын, расейскі пісьменьнік беларускага паходжаньня