Хроніка перасьледу 25 чэрвеня. МУС аб’явіла Асацыяцыю беларусаў у Амэрыцы «экстрэмісцкім фармаваньнем»

Сьцьвярджаецца, што да «фармаваньня» датычныя 17 чалавек:

1. Марыя Астапенка
2. Таццяна Астапенка
3. Эмілія Баркоўская-Сцепанчук
4. Вольга Бромэн
5. Антон Бялянскі
6. Філіп Гаўрышаў
7. Яўген Ждановіч
8. Анжаліка Зайцава
9. Глеб Івашкевіч
10. Кацярына Маліеўская
11. Віталь Самсонаў
12. Артур Сянько
13. Вольга Шалыга
14. Сяргей Шалыга
15. Ганна Шарко
16. Марыя Яфімава
17. Аляксандр Янкоўскі

У сьпісе прыводзяцца інтэрнэт-рэсурсы, на думку МУС, зьвязаныя з абʼяднаньнем.

Асацыяцыя стала 373-й «экстрэмісцкай» супольнасьцю ў пераліку, які вядзецца зь верасьня 2021 году, піша «Позірк».

ГЛЯДЗІЦЕ ТАКСАМА:

Грамадзянская кібэрвайна. Як беларускія спэцслужбы атакуюць беларускія ініцыятывы, колькі гэта каштуе і ці магчыма абараніцца ад атак

Асацыяцыя беларусаў у Амэрыцы — некамэрцыйная арганізацыя, якая абʼядноўвае беларусаў ЗША.

Як адзначаецца на сайце арганізацыі, яе місія палягае ў тым, каб

• прасоўваць веды пра беларусаў Амэрыкі і беларуска-амэрыканскую супольнасьць, яе гісторыю, дасягненьні і ўнёсак у разьвіцьцё грамадзтва;
• прадстаўляць беларуска-амэрыканскую супольнасьць перад народам і ўрадам ЗША;
• садзейнічаць захаваньню беларускай супольнасьцю ЗША сваёй спадчыны, культуры і мовы;
• падтрымліваць Беларусь у яе імкненьні да пабудовы моцнай грамадзянскай супольнасьці і ажыцьцяўленьня эканамічных, культурных і сацыяльных пераўтварэньняў.

ГЛЯДЗІЦЕ ТАКСАМА:

«Сярэдняя цана паслуг адваката — 12–15 тысяч даляраў». Як беларусы спрабуюць атрымаць палітычны прытулак у ЗША