У Міністэрстве абароны Беларусі паведамілі аб пачатку з 23 красавіка адпраўкі прызыўнікоў на тэрміновую вайсковую службу ў злучэньні і вайсковыя часткі Ўзброеных сілаў, унутраных войскаў МУС, органаў памежнай службы і дзяржаўнай бясьпекі.
«У першы дзень у войска адправяцца прыблізна 1000 прызыўнікоў. Яны папоўняць шэрагі сілаў спэцыяльных апэрацыяў, Менскай вайсковай камэндатуры, 72-га гвардзейскага Аб’яднанага навучальнага цэнтру, 361-й базы аховы і абслугоўваньня, а таксама органаў памежнай службы», — сказана ў паведамленьні ведамства.
Прызыўнікі складуць вайсковую прысягу 23 траўня.
Форум