Прайшло 40 гадоў пасьля Чарнобыльскай катастрофы, ад якой пацярпелі мільёны людзей у розных краінах, а найперш у Беларусі.
Офіс Сьвятланы Ціханоўскай абвясьціў кампанію пад лёзунгам «За незалежную бязьядзерную Беларусь». Да гэтай даты па ўсім сьвеце пройдуць дыскусіі, лекцыі, канцэрты, акцыі памяці і культурныя падзеі, прысьвечаныя памяці пра Чарнобыль, яго наступствам для Беларусі і сьвету, а таксама людзям, чые жыцьці ён назаўсёды зьмяніў.
Апублікаваная праграма захадаў.
Абмеркаваньне кнігі «Чарнобыльская малітва» Сьвятланы Алексіевіч
Калі: 22 красавіка, 20:00 (менскага часу)
Дзе: онлайн
Онлайн-лекцыя і дыскусія «Чарнобыль — ядзерная катастрофа 40 гадоў таму»
Калі: 27 красавіка, 18:00–20:00
Дзе: онлайн
Інфармацыйная кампанія «Пасьля Чарнобылю: 40 дзён разважаньняў пра здароўе, памяць і будучыню»
Калі: з 30 сакавіка па 8 траўня
Варшава
Дабрачынная падзея Belarus Outside Sound System
Калі: 24 красавіка 2026, 23:30–05:00 (тут і далей мясцовы час)
Дзе: Klub Mechanik, ul. Narbutta 87
Спадчына «чарнобыльскага» руху праз 40 год
Калі: 25 красавіка
Дзе: Моладзевы хаб
Чарнобыльскі Шлях у Варшаве
Калі: 26 красавіка а 14-й гадзіне
Дзе: ад помніку Капэрніку да помніку Марыі Складоўскай–Кюры
Чарнобыльскі Шлях – 2026
Калі: 26 красавіка, 14:00
Дзе: помнік Капэрніку (ulica Krakowskie Przedmieście 1)
Беласток
Чарнобыльскі Шлях
Калі: 26 красавіка, 17:00
Дзе: skwer Wolnej Białorusi 1, Białystok
Вільня
Канфэрэнцыя «У памяць аб 40-й гадавіне аварыі на Чарнобыльскай АЭС»
Калі: 21 красавіка, 10:00
Дзе: Kalvarijų g. 153
Забег і велапрабег, прысьвечаны памяці ліквідатараў наступстваў аварыі на Чарнобыльскай атамнай станцыі
Калі: 26 красавіка
Чарнобыльскі Шлях – 2026
Ускладаньне кветак
Калі: 26 красавіка, 12:00
Дзе: помнік «Маці Чарнобыля» (Парк Сапегаў)
Забег і роварны прабег
Калі: 26 красавіка, 13:00
Дзе: ад помніка «Маці Чарнобыля» да пляцу Кудзіркі
Мітынг і канцэрт
Калі: 26 красавіка, 13:00
Дзе: пляц Вінцаса Кудзіркі
Цюрых
Канцэртная праграма «Песьні зьніклых вёсак» у выкананьні Сержука Доўгушава
Калі: 26 красавіка, 17:30
Дзе: Josefstrasse 102 (1. Stock)
Капэнгаген
Лекцыя і гутарка з Тынэ Рэзэн
Калі: 27 красавіка
Дзе: Peter Bangs Vej 302000 Frederiksberg
Прага
Канфэрэнцыя «Цень Чарнобылю праз 40 гадоў: забесьпячэньне будучыні Беларусі і Ўкраіны»
Калі: 27 красавіка, 15:00–19:00
Нью-Ёрк
Мітынг, прысьвечаны 40-й гадавіне Чарнобыльскай трагедыі
Калі: 26 красавіка, 13:00
Дзе: каля будынку штаб-кватэры Аб’яднаных Нацыяў на Мангэтане (Першая авэню пры 43-й вуліцы, каля ААН, адрас: 1st Avenue (at East 43rd Street), New York, NY 10017).
Што важна ведаць пра аварыю на Чарнобыльскай АЭС
Аварыя на Чарнобыльскай АЭС 26 красавіка 1986 году лічыцца самай вялікай тэхнагеннай катастрофай XX стагодзьдзя.
- У атмасфэру было выкінута радыеактыўных рэчываў у 300 разоў больш, чым пасьля атамнага бамбаваньня Хірасімы ў 1945 годзе.
- З усіх краін ад наступстваў чарнобыльскай катастрофы Беларусь пацярпела найбольш — на тэрыторыі Беларусі асела звыш 70% радыенуклідаў, найбольш забрудзіўся 21 раён.
- З 2,2 мільёна чалавек, якія жылі на забруджаных землях, эвакуавалі і адсялілі 138 тысяч, яшчэ каля 200 тысяч самі зьехалі з пацярпелых тэрыторый.
- У 1986 годзе падчас аварыі на ЧАЭС з разбуранага рэактара было выкінута 1850 пэтабэкерэляў радыенуклідаў, пры гэтым на долю радыеактыўнага цэзію прыпала 270 пэтабэкерэляў. Пэрыяд паўраспаду цэзію-137 — 30 гадоў. Гэта значыць, што на 2016 год яго колькасьць на тэрыторыі Беларусі зьменшылася ўдвая.
Форум