Паводле яго слоў, адзін з пацярпелых памёр у бальніцы, целы двух іншых былі вынятыя з-пад абломкаў разбураных будынкаў. Усяго ў горадзе загінула пяцёра мірных жыхароў.
Расейскія войскі ў ноч на 16 красавіка масіравана атакавалі Ўкраіну — 19 балістычнымі ракетамі «Іскандэр-М», 20 крылатымі ракетамі Х-101, пяцьцю крылатымі ракетамі «Іскандэр-К» і 659 бесьпілётнікамі. Сілы СПА зьбілі 31 ракету і 636 дронаў, паведамілі ў Паветраных сілах УСУ.
У Кіеве загінулі чатыры чалавекі, у тым ліку 12-гадовы хлопчык, паведаміў мэр горада Віталь Клічко. Колькасьць пацярпелых павялічылася да 62 чалавек, паведамілі ў абласной паліцыі.
У Адэскай ваеннай адміністрацыі расказалі аб 9 загінулых і 23 пацярпелых. Па дадзеных кіраўніка адміністрацыі Алега Кіпера, у горадзе пашкоджаны аб’екты партовай, крытычнай і жылой інфраструктуры.
Адзін чалавек загінуў у Сумскай вобласьці. Кіраўнік ваеннай адміністрацыі гэтага рэгіёну Алег Грыгараў напісаў у сацсетках, што расейскія вайскоўцы двойчы атакавалі бесьпілётнікамі аўтазаправачныя станцыі ў Сумскай абшчыне. У выніку першага трапленьня пацярпела працаўніца АЗС. У выніку наступнага ўдару загінуў чалавек, яшчэ адзін быў паранены, дадаў кіраўнік АА.
У Харкаўскай вобласьці ў выніку ўдару расейскага дрона загінулі жанчына, шэсьць чалавек пацярпелі, паведаміла нацыянальная паліцыя.
Форум