У МУС назвалі найбольш распаўсюджаныя віды тэлефонных махлярстваў, іх стала больш на 22%

За студзень — сакавік у Беларусі зарэгістравалі 2,5 тыс. кібэрмахлярстваў, паведаміла прэс-служба МУС.

Сёньня патэнцыйную ахвяру часьцей схіляюць да таго, каб яна сама пераказвала ашчадныя сродкі на банкаўскія рахункі ашуканцаў. Дзеля гэтага выкарыстоўваюць заснаваную на эмоцыях асабістую бестурботнасьць, жаданьне людзей хутка зарабіць ці купіць тавары па нізкіх цэнах.

Паводле начальніка галоўнага ўпраўленьня ў супрацьдзеяньні кібэрзлачыннасьці МУС Андрэя Кавалёва, самым распаўсюджаным відам махлярства застаецца схема, калі ашуканцы тэлефануюць і ўдаюць супрацоўнікаў банку або якіх-небудзь дзяржаўных органаў.

Акрамя таго, па выніках трох месяцаў 2026 году папулярнымі сталі:

• купля тавару ў Instagram і Telegram;
• фіктыўны продаж каштоўнасьцяў ці паслуг на іншых інтэрнэт-пляцоўках;
• прапановы арэнды жыльля;
• падман пад выглядам зьдзелак з крыптавалютай або ўдзелу ў іншых сумнеўных камэрцыйных праектах.

ГЛЯДЗІЦЕ ТАКСАМА:

У Telegram зьявіўся новы спосаб скрасьці ўліковы запіс. Цяпер пад выглядам «афіцыйнага SMS»

Пачасьціліся выпадкі махлярстваў пад выглядам замены або рамонту дамафону. Ахвяры тэлефануюць на мабільны ці хатні тэлефон, патрабуюць паведаміць код з SMS, які прыходзіць на тэлефон чалавека. Код дае поўны доступ да прылады і інфармацыі, уключна з банкаўскім дадаткам.

Затым зламысьнікі пераказваюць грошы на рахунак у замежным банку, канвэртуюць у крыптавалюце, разьлічваюцца за тавары ў гандлёвых сетках за мяжой, або выводзяць сродкі на кантору ставак на спорт.

У студзені — лютым сёлета колькасць кібэрзлачынстваў у краіне ў параўнаньні з такім самым пэрыядам 2025-га вырасла на 22%. Беларусь займае другое месца ў сьвеце ў колькасьці кібэратак.

ГЛЯДЗІЦЕ ТАКСАМА:

Махляры знайшлі яшчэ адзін спосаб выманьваць грошы ў беларусаў, прапануюць дапамогу ў атрыманьні візаў