У анэксаваным Расеяй Крыме разьбіўся расейскі зьнішчальнік Су-30, паведамляюць расейскія СМІ са спасылкай на Мінабароны Расеі.
Самалёт пацярпеў крушэньне каля 11:00 па мясцовым часе нібыта «пры выкананьні плянавага вучэбна-трэніровачнага палёту». Паводле ведамства, у самалёце не было боекамплекту, экіпаж катапультаваўся і эвакуяваны пошукава-выратавальнай камандай.
31 сакавіка ў анэксаваным Крыме разьбіўся расійскі вайскова-транспартны самалёт Ан-26, на яго борце знаходзіліся 30 чалавек — сем чальцаоў экіпажу і 23 пасажыры. Судна, як заявіла Мінабароны РФ, выконвала плянавы палёт і «ўрэзалася ў скалу». Папярэдняя прычына крушэньня — «тэхнічная няспраўнасьць».
Расейская служба ВВС са спасылкай на крыніцу з ліку вайскоўцаў Паўночнага флёта РФ і жыхарку Севераморска, якая страціла ў авіякатастрофе сваяка, паведаміла, што сярод загінулых мог знаходзіцца генэрал-лейтэнант Аляксандр Атрошчанка. Па дадзеных тэлеграм-канала «Дасье шпіёна», у авіякатастрофе таксама загінулі шасьцёра афіцэраў штаба Паўночнага флёту Расеі.
Форум