Як паведаміла Польскае радыё, адпаведнае рашэньне ўзгадніў парлямэнт краіны.
«Паводле ўраду, прычыны ўвядзеньня гэтага абмежаваньня ня зьніклі, і далей адбываецца інструмэнталізацыя міграцыі, а дзеяньні ў яе межах уяўляюць пагрозу бясьпецы Польшчы», — адзначаецца ў паведамленьні.
Рашэньне аб абмежаваньні на 60 дзён права на падачу заяў аб міжнароднай абароне на мяжы зь Беларусьсю ўвялі 27 сакавіка 2025 году. З таго часу абмежаваньне працягвалі ўжо пяць разоў.
- Міграцыйны крызіс на мяжы Беларусі і краін ЭЗ цягнецца зь вясны 2021 года. Улады суседніх эўрапейскіх дзяржаў лічаць яго «гібрыднай атакай», арганізаванай рэжымамі ў Менску і Маскве.
- Аляксандр Лукашэнка неаднаразова заяўляў, што беларускія пагранічнікі ня будуць спыняць нелегальных мігрантаў, якія накіроўваюцца ў ЭЗ праз Беларусь, бо іх туды нібыта «паклікалі».
- Апошняе выказваньне прагучала 28 кастрычніка на ІІІ Менскай міжнароднай канфэрэнцыі па эўразійскай бясьпецы. Палітык заявіў, што ў Беларусі няма прычын, каб «абараняць Эўрапейскі Зьвяз, Эўропу ад мігрантаў».
Форум