Дата дня
21 сакавіка 1840 году нарадзіўся Францішак Багушэвіч, пісьменьнік, юрыст, удзельнік вызвольнага паўстаньня 1863–1864 гадоў. Ён лічыцца адным з пачынальнікаў новай беларускай літаратуры.
Менавiта Багушэвічу належыць выслоўе «Не пакідайце ж мовы нашай беларускай, каб не ўмёрлі». Вядомы ён ня толькі як палымяны паэт, але і востры публіцыст, назіральны рэпартэр, які сумяшчаў гэтую дзейнасьць з працай адвакатам.
Дзень у гісторыі
1560 — паводле прывілею Жыгімонта ІІ Аўгуста гомельскія мяшчане атрымалі пячатку з выявай крыжа і надпісам «Герб гораду Гомля».
1871 ― Ота фон Бісмарк стаў канцлерам Германскай імпэрыі.
1863 — каля вёскі Сьвечкі пад Маладэчнам загінулі ў баі з царскімі карнікамі паўстанцы Юльян Бакшанскі, Рафал Малішэўскі, Леапольд Банькоўскі, Людвік Ямант і 15-гадовы Ігнаці Сулістроўскі. На могілках у вёсцы Плябань ім пастаўлены помнік.
1927 — улады Польшчы забаранілі Беларускую сялянска-работніцкую грамаду ў Заходняй Беларусі. Арганізацыя налічвала 100 тысяч чальцоў.
1935 — Пэрсія зьмяніла назву на Іран.
1980 — прэзыдэнт ЗША Джымі Картэр абвясьціў байкот Алімпійскіх гульняў у Маскве на знак пратэсту супраць савецкіх войскаў у Афганістане.
2017 — пачаліся арышты чальцоў «Белага легіёну».
У гэты дзень нарадзіліся
1685 — Ёган Сэбастыян Бах, нямецкі кампазытар і арганіст.
1885 — Уладзімер Вільнер, рэжысэр тэатру і кіно.
1935 ― Філарэт, былы мітрапаліт Менскі і Слуцкі, Патрыяршы экзарх усяе Беларусі.
У памяці
1849 — Аляксандар Крыштаф Ян Незабытоўскі, гісторык, філёзаф, удзельнік вызвольнага руху 1840-х, ахвяра царскіх рэпрэсіяў.
1959 — Павал Растаргуеў, філёляг, вязень ГУЛАГу.
1970 — Анатоль Сербантовіч, паэт.
Жывеш, і дзіўна так выходзіць:
Ступенькі год ля ног ляглі,
І колькі ты ні узыходзіш,
А апынаесься ў зямлі.
1987 — Адам Русак, паэт-песеньнік.
Бывайце здаровы, жывіце багата,
Ужо ж мы паедзем да сваёй хаты.
Ў зялёнай дубраве мы начаваць будзем.
Эх! Вашае ласкі вавек не забудзем.
2003 — Георгі Таразевіч, савецкі і беларускі палітычны дзеяч, у канцы 1980-х старшыня Прэзыдыюму Вярхоўнага Савета БССР. У верасьні 1991 году Таразевіч выступіў на сэсіі Вярхоўнага Савету Беларусі і падтрымаў увядзеньне бел-чырвона-белага сьцяга і герба «Пагоня» ў якасьці дзяржаўных сымбаляў.
2011 — Аляксандар Грыцанаў, філёзаф, культуроляг.
