Зяленскі адзначыў, што Украіна набыла значны досьвед у супрацьдзеяньні іранскім дронам падчас вайны з Расеяй. Украінскія вайскоўцы навучыліся перахопліваць такія апараты рознымі спосабамі — ад сыстэм супрацьпаветранай абароны і кулямётаў да спэцыяльных дронаў-перахопнікаў і сродкаў радыёэлектроннай барацьбы.
Паводле ўкраінскіх уладаў, у рэгіён ужо накіравалі частку спэцыялістаў і абсталяваньне, у тым ліку дроны-перахопнікі. Яны павінны дапамагчы абараняць, у прыватнасьці, амэрыканскія вайсковыя базы ў Іярданіі.
Іранскія бесьпілётнікі тыпу Shahed-136 шырока выкарыстоўваюцца ў розных канфліктах. Расея прымяняе іх для нападаў на ўкраінскія гарады і інфраструктуру з 2022 году.
Зяленскі падкрэсьліў, што Украіна гатовая дзяліцца сваім досьведам з партнэрамі, але гэта не павінна аслабіць уласную абарону краіны, якая працягвае супрацьстаяць расейскай агрэсіі.
Прадстаўнік прэзыдэнта таксама асобна пацвердзіў, што тры краіны, у якіх працуюць ўкраінскія эксперты — гэта Катар, Аб’яднаныя Арабскія Эміраты і Савудаўская Арабія.
Форум