Дата дня
12 сакавіка 1986 году ў Горадні створаны гісторыка-культурніцкі клюб аматараў роднага краю «Паходня». Ягоныя ўдзельнікі ладзілі фальклёрныя сьвяты і літаратурныя чытаньні, сустрэчы і дыскусіі пра беларускую культуру, баранілі помнікі архітэктуры і прыроды «Паходня» паўплывала на зьяўленьне ў Горадні шэрагу новых недзяржаўных грамадзкіх аб’яднаньняў, ажывіла палітычнае жыцьцё рэгіёну.
Менавіта паходнеўцы наладзілі першае масавае сьвяткаваньне Купальля, зьбіралі сродкі на помнік Кастусю Каліноўскаму, ратавалі старажытныя мясьціны ад згубнай перабудовы.
Таксама ў гэты дзень
1600 — кароль і вялікі князь Жыгімонт Ваза абвясьціў далучэньне Эстляндыі да Рэчы Паспалітае.
1917 — у Менску прайшоў Дзень беларускага значка. Шмат дзе прадаваліся бел-чырвона-белыя значкі, кукарды і сьцяжкі. У адным зь менскіх кінатэатраў адбыўся шматлюдны беларускі мітынг. Прысутныя прынялі рэзалюцыю, якая патрабавала аўтаноміі для Беларусі.
1922 — Камуністычныя ўрады Грузіі, Армэніі і Азэрбайджану ўтварылі Закаўкаскую фэдэратыўную савецкую рэспубліку, якая ўвайшла ў склад СССР.
1930 — у Індыі пад кіраўніцтвам Махатмы Гандзі пачалася кампанія грамадзянскага непадпарадкаваньня брытанскім калянізатарам.
1938 — войскі Нямеччыны ўвайшлі ў Аўстрыю, назаўтра быў аб’яўлены аншлюс.
1940 — заканчэньне савецка-фінскае вайны.
1947 — абвешчаная «дактрына Трумэна» аб стрымліваньні савецкага экспансіянізму.
1963 — у Гайнаўцы (Падляшша, Польшча) адкрыўся Беларускі музэй.
1966 — адкрыўся Рэгіянальны беларускі этнаграфічны музэй у Белавежы.
1981 — адбыўся трэці палёт у космас выхадца зь Беларусі Ўладзімера Кавалёнка.
1999 — у альянс НАТО ўступілі Чэхія, Польшча і Вугоршчына.
2006 — у Варшаве адбыўся першы канцэрт «Салідарныя зь Беларусьсю».
2008 — амбасадару ЗША ў Беларусі Карэн Ст’юарт далі зразумець, што яе знаходжаньне ў краіне непажаданае. З таго часу амэрыканскі амбасадар так у Беларусь і не вярнуўся.
У гэты дзень нарадзіліся
1914 — Уладзімер Клішэвіч, паэт, публіцыст, вязень савецкіх турмаў, дзяяч эміграцыі ў ЗША.
Хваляваньні й нямая трывога
Назаўсёды кудысьці сплылі.
Абарвецца мая на зямлі
Камяністая хутка дарога.
1918 — Эдуард Валасевіч, паэт-байкапісец.
Зaпoмнi, зapyбi caбe нa дзюбe:
Xoць cтo мaтывaў iншыx знaй,
A пecьняй poднaю, мoй любы,
He пaгapджaй!
1922 — Джэк Керуак, амэрыканскі пісьменьнік і паэт.
1946 — Лайза Мінэлі, амэрыканская акторка, сьпявачка.
1978 — Андрэй Скурко, журналіст, адзін з кіраўнікоў газэты «Наша Ніва», дзіцячы паэт, былы палітвязень.
У памяці
1851 — Ян Баршчэўскі, адзін з пачынальнікаў новай беларускай літаратуры, аўтар кнігі «Шляхціц Завальня, або Беларусь у фантастычных апавяданьнях».
1922 — Кузьма Цярэшчанка, удзельнік клюбу «Беларуская хатка» ў Горадні, адзін з ініцыятараў скліканьня Беларускага зьезду Віленшчыны і Горадзеншчыны летам 1919 году, міністар унутраных спраў БНР.
1988 — Сьцяпан Гаўрусёў, паэт.
Век пражыць — ня поле перайсьці,
А такому падлягаць іспыту:
На каменьні зернем прарасьці
I — зьняможанаму ўстаць зь нябыту.