Дваіх ужо судзяць у Літве і Польшчы. Сярод абвінавачаньняў — праца на карысьць вайсковай выведкі Расеі, паведаміў Эўраюст — агенцтва Эўрапейскага зьвязу ў пытаньнях супрацы ў галіне крымінальнага правасудзьдзя.
Таксама Эўраюст апублікаваў кадры ўзгараньня пасылак у розных частках Эўропы.
У ліпені 2024 году зь Літвы ў Вялікабрытанію і Польшчу былі адпраўлены 4 пасылкі.
Адна загарэлася ў аэрапорце Ляйпцыгу перад пагрузкай у самалёт.
Другая — у паштовым грузавіку ў Польшчы.
Трэцяя — на складзе ў Вялікай Брытаніі.
Чацьвёртую ў Польшчы нэўтралізавалі да ўзгараньня, што дазволіла правесьці аналіз выбуховай прылады.
Дзьве «праверачныя» пасылкі адправілі таксама ў ЗША і Канаду, і яшчэ дзьве — у Нідэрлянды.
Паводле сьледчых, расейскія спэцслужбы вэрбавалі выканаўцаў праз мэсэнджэры і там жа давалі ім інструкцыі. Задачы разьмяркоўваліся паміж некалькімі выканаўцамі, для аплаты выкарыстоўвалі крыптавалюту.
Затрыманыя часта былі ў «неабароненым сацыяльным стане» і паходзілі з Латвіі, Літвы, Расеі, Эстоніі і Ўкраіны, адзначае Эўраюст.
Форум