Польшча, Нямеччына, Літва. Сьпіс імпрэзаў да Міжнароднага жаночага дня

07 сакавік 2026, 09:35

Жанчына трымае плякат падчас маршу за гендэрную роўнасьць і супраць гвалту ў адносінах да жанчын, прымеркаванага да Міжнароднага жаночага дня. Сафія, Баўгарыя, 8 сакавіка 2019 году. Ілюстрацыйнае фота

8 сакавіка ў сьвеце адзначаюць Міжнародны дзень жанчын. «Фэм-група Беларусь» падрыхтавала сьпіс імпрэзаў, прымеркаваных да Міжнароднага жаночага дня — беларускія ініцыятывы ў супольнай працы з каляжанкамі з іншых краінаў правядуць шэраг імпрэзаў.

Імпрэзы ахопяць Польшчу, Нямеччыну і Літву.

«Гэты дзень — пра нас, пра падтрымку, пра агульныя каштоўнасьці. Але навошта абмяжоўвацца ўсяго адным днём? Няхай увесь тыдзень будзе часам для сустрэч, размоў, дзеяньняў», — піша «Фэм-група Беларусь».

Актывісткі склалі падборку мерапрыемстваў на тэматыку абароны жанчын і жаночых спраў:

сустрэча для жанчын у эміграцыі ў рамках Zero Discrimination Week. Варшава. Прастора «7 пакояў», 7 сакавіка;
літаратурныя чытаньні з аўтаркамі зь Беларусі і Ўкраіны. Бэрлін. «Fem*Texturen. Літаратура паміж супрацівам, вайной і выгнаньнем», 7 сакавіка;
марш літоўскіх фэміністак на 8 сакавіка. Вільня;
варштат «Цела, голас, прысутнасьць». Бэрлін, 8 сакавіка;
фэм-стэндап: у Вільні (8 сакавіка) і Варшаве (9 сакавіка);
онлайн-сустрэча «Як распазнаць дыскрымінацыю ў працоўным асяродзьдзі» у рамках Zero Discrimination Week, 10 сакавіка;
онлайн-трэнаваньне «Не падалося: рамантызацыя цкаваньня ў масавай культуры і нармалізацыя ў беларускім грамадзтве», 11 сакавіка;
онлайн-курс «Унутраная сіла і ўстойлівасьць», 12-14 красавіка, запоўніць анкету да 10 сакавіка.