Дата дня
3 сакавіка 1944 году ў Вільні быў забіты Францішак Аляхновіч, драматург, пісьменьнік, аўтар адной зь першых у сьвеце кніг пра савецкую турму «Ў капцюрох ГПУ».
Таксама ў гэты дзень
1067 — адбылася бітва на рацэ Нямізе паміж войскам Усяслава Чарадзея і злучанымі дружынамі князёў Кіеўскай Русі. Першая згадка Менску ў крыніцах.
1861 — у Расейскай імпэрыі скасаванае прыгоннае права: Аляксандар II выдаў маніфэст аб вызваленьні сялян.
1878 — паміж Расеяй і Турэччынай падпісаная Сан-Стэфанская мірная дамова. У складзе Асманскай імпэрыі ўтворанае аўтаномнае княства Вялікая Баўгарыя. Адзначаецца ў Баўгарыі як дзень вызваленьня ад асманскага панаваньня.
1918 — падпісаны Берасьцейскі мір паміж Расеяй і Нямеччынай. Паводле ўмоваў міру Расея адмаўлялася ад часткі тэрыторыі Беларусі па лініі Дзьвінск — Сьвянцяны — Ліда — Пружаны — Берасьце. Астатняя частка тэрыторыі Беларусі лічылася расейскай, але заставалася пад нямецкай акупацыяй да моманту выплаты Расеяй Нямеччыне вялікай кантрыбуцыі. Прадстаўнікоў Беларусі не запрасілі на падпісаньне гэтай мірнай дамовы.
1930 — першы эшалён з раскулачанымі сялянамі пайшоў зь Беларусі ў Сібір.
1991 — на рэфэрэндуме ў Латвіі 75% выбарцаў прагаласавалі за незалежнасьць ад СССР, у Эстоніі — 78%.
2023 — судзьдзя Марына Запасьнік зь Ленінскага суду Менску абвясьціла пакараньне ляўрэату Нобэлеўскай прэміі Алесю Бяляцкаму — 10 гадоў турмы. Разам зь ім яна пакарала вясноўцаў Валянціна Стэфановіча — 9 гадоў і Ўладзя Лабковіча — 7 гадоў. Дзьмітрыю Салаўёву — 8 гадоў завочна.
У гэты дзень нарадзіліся
1847 — Аляксандар Бэл, амэрыканскі навуковец, вынаходнік тэлефона.
1890 — Лявон Заяц, палітык і дыплямат, дзяяч БНР, ахвяра сталінізму.
1900 — Герасім Якушка, менскі архітэктар.
1942 — Уладзімер Кавалёнак, беларускі касманаўт.
1956 — Павал Жук, выдавец незалежнага друку.
У памяці
1900 — Валенці Швыкоўскі, маршалак пружанскі, удзельнік паўстаньня 1863 году, мэцэнат.
1953 — Мікола Равенскі, беларускі кампазытар, аўтар гімну «Магутны Божа».
1967 — Глеб Глебаў, актор тэатру і кіно, народны артыст Беларусі.
1997 — Уладзімер Базан, мастак і палітык.
2009 — Вітольд Карпыза, ваўкавыскі краязнавец.
2020 — Надзея Дземідовіч, дзяячка беларускага руху, нявольніца ГУЛАГу, мэмуарыстка.
