Як вынікае з паведамленьня, зьнішчылі дамэн, кантролеры, сэрвэры, віртуальныя машыны і працоўныя станцыі — агулам прыблізна 1 000 машын у карпаратыўнай сетцы.
У выніку парушана дзейнасьць офісу, бухгальтэрыі, аддзелаў маркетынгу і продажу, адгрузкі, а таксама тэхнічныя і адміністрацыйныя працэсы.
Пашкоджаныя сыстэмы і базы ERP, карпаратыўная пошта, дакумэнтабарачэньне Directum, сыстэмы рэзэрвовага капіяваньня, на аднаўленьне якіх, паводле «Кібэрпартызанаў», спатрэбяцца тыдні. Пры гэтым частка зьвестак страчаная канчаткова.
Апроч таго, узламалі сыстэмы аховы, камэры назіраньня і КПП «Хімвалакна».
На пацьвярджэньне факту ўзлому суполка апублікавала шэраг фота.
- «Кібэрпартызаны» — беларуская дэцэнтралізаваная супольнасьць ананімных хакераў, зьявілася ў верасьні 2020 году.
- Атрымалі вядомасьць дзякуючы шэрагу пасьпяховых кібэратак на рэсурсы дзяржаўных установаў і сілавых структураў Беларусі, публікацыям кампрамату на прадстаўнікоў апошніх, а таксама разьмяшчэньню у адкрытым доступе службовай і сакрэтнай інфармацыі.
- Супольнасьць пачала дзейнасьць у адказ на дзяржаўныя рэпрэсіі супраць пратэстоўцаў.
- Сваю дзейнасьць «Кібэрпартызаны» называюць барацьбой з Аляксандрам Лукашэнкам.
Форум