Пра гэта паведамляюць CNN і «Супільне».
Па словах амбасадара, ЗША не прапаноўвалі Кіеву ўстрымлівацца ад нападаў на расейскую ваенную і энэргетычную інфраструктуру ў прынцыпе. Дэмарш «быў зьвязаны менавіта з тым фактам, што там закранаюцца амэрыканскія эканамічныя інтарэсы, — сказала яна на брыфінгу 24 лютага. — Мы прынялі гэта да ўвагі».
КТК — буйны міжнародны праект з удзелам Казахстана (19%), Расеі (24%) і сусьветных нафтаздабываючых кампаній. У прыватнасьці, даччыная кампанія амэрыканскай карпарацыі Chevron валодае 15% акцый кампаніі. Працягласьць трубаправода складае 1500 кілямэтраў. КТК забясьпечвае прыкладна 80 працэнтаў казахстанскага экспарту нафты.
У ноч на 29 лістапада ў выніку ўдару марскіх дронаў была выведзена са строю прычальная прылада (ВПУ-2) у порце Наварасійска, што сур’ёзна ўскладніла пагрузку нафты, якая транспартуецца з Казахстана ў порт Наварасійска, на танкеры. Адказнасьць за атаку на ВПУ-2 МЗС Казахстана ўсклаў на Украіну, хоць афіцыйна Кіеў, у адрозьненьне ад многіх іншых нападаў на абʼекты ў Расеі, ня браў яе на сябе. Міністар энэргетыкі Казахстана Ерлан Акенжэнаў у сьнежні 2025 года заявіў, што страты нафтаздабычы з-за нападаў на КТК дасягнулі 480 тысяч тон. З лістапада ўдары па інфраструктуры КТК не наносіліся.
Улады ЗША афіцыйна не паведамлялі аб дэмаршы.
Форум