Дата дня
23 лютага 1878 году нарадзіўся Казімер Малевіч, вядомы мастак-авангардыст, адзін з заснавальнікаў супрэматызму — кірунку ў абстрактным мастацтве.
За спадчыну Казімера Малевіча спрачаецца цэлы шэраг дзяржаў, дасьледчыкі сьмела прылічаюць яго да расейцаў, украінцаў, палякаў. І толькі Беларусь, дзе Казімер абясьсьмерціў сябе першымі «супрэмусамі», «архітэктонамі» ды філязофскімі развагамі, дэманструе сваю памяркоўнасьць. Пра тутэйшасьць Казімера Малевіча могуць сьведчыць і спэцыфічныя адметнасьці роднага краю, адлюстраваныя ў мастацкіх творах рознага часу. У ліку такіх рысаў — выявы бел-чырвона-белага сьцяга і колеравае спалучэньне белага і чырвонага.
Сёньня карціны Казімера Малевіча ацэньваюцца ў дзясяткі мільёнаў даляраў, але сам ён 80 гадоў таму памёр хворым жабраком — фармальна лічыўся кіраўніком «навуковай лябараторыі мастацтва» ў Рускім музэі, а насамрэч аддаваў канцы ў цеснай каморцы вартаўніка.
Гэты дзень у гісторыі
1792 — Станіслаў Аўгуст Панятоўскі пацьвердзіў магдэбурскае права і надаў герб Радашкавічам
1917 — пачатак Лютаўской рэвалюцыі ў Расеі (дата паводле тагачаснага календара).
1928 — у Вільні пачаўся працэс супраць 56 лідэраў і актывістаў Беларускай сялянска-работніцкай грамады.
1941 — упершыню вызначылі новы атрыманы элемэнт плютоній пасьля двух месяцаў экспэрымэнтаў ва Ўнівэрсытэце Каліфорніі ў Бэрклі.
1944 — Сталін скасаваў Чачэна-Інгускую аўтаномную рэспубліку. Пачалося інтэрнаваньне соцень тысяч чачэнцаў і інгушоў у Сярэднюю Азію.
1944 — падпісаны загад аб стварэньні Беларускай Краёвай Абароны.
У гэты дзень нарадзіліся
1808 — Пётар Кірэеўскі, расейскі публіцыст, архэоляг, фальклярыст, славянафіл.
1874 — Канстанцін Пятс, першы прэзыдэнт Эстоніі.
1891— Міхаіл Піятуховіч, беларускі літаратуразнаўца, крытык, пэдагог.
1903 — Вінцэнт Жук-Грышкевіч, старшыня Рады БНР
1907 — Станіслаў Станкевіч, беларускі літаратуразнаўца, грамадзкі дзеяч.
1929 — Алексій II, патрыярх Маскоўскі і ўсяе Русі.
1931 — Яўген Бабосаў, беларускі філёзаф.
1935 — Яўген Лугін, вайсковец, заснавальнік і кіраўнік Сялянскай партыі, удзельнік нацыянальна-дэмакратычнага руху 1980–1990-х гадоў.
1944 — Алег Янкоўскі, кінаактор.
1954 — Віктар Юшчанка, прэзыдэнт Украіны (2005–2010).
У памяці
1608 — Канстанцін Васіль Астроскі, дзяржаўны і вайсковы дзяяч ВКЛ, найвялікшы пасьля караля земляўласьнік у Рэчы Паспалітай, сын вялікага літоўскага гетмана Канстанціна.
1766 — Станіслаў Ляшчынскі, кароль польскі і вялікі князь літоўскі.
1864 — Людвік Зьвяждоўскі, удзельнік нацыянальна-вызвольнага паўстаньня 1863–1864 гадоў (павешаны).
1855 — Карл Фрыдрых Гаўс, нямецкі матэматык, астраном і фізык.
1864 — Людвік Зьвяждоўскі, вайсковец, адзін з кіраўнікоў нацыянальна-вызвольнага паўстаньня 1863–1864 гадоў, ахвяра расправы расейскіх калянізатараў.
2008 — Ірына Казуліна, грамадзкая дзяячка.