Як паведаміла Літоўская мытня на памежным пункце «Меднікі» падчас праверкі аўтобуса, які прыбыў зь Беларусі, у чамадане адной з пасажырак знайшлі вялікую колькасьць купюр, выведзеных з абарачэньня і адзначаных савецкай сымболікай — знакамі сярпа і молата, чырвонымі пяціканцовымі зоркамі і іншай атрыбутыкай СССР.
Згодна з заканадаўствам Літвы, распаўсюд, выкарыстаньне або публічная дэманстрацыя сымболікі нацысцкай Нямеччыны, СССР або Літоўскай ССР забароненыя. Гэта таксама ўключае знакі і сымбалі, якія могуць выкарыстоўвацца для прапаганды ідэалёгіі таталітарных рэжымаў, агрэсіі ці злачынстваў супраць чалавечнасьці. Такія тавары не падлягаюць дэкляраваньню і ўвозу ў Літву, нагадалі літоўскія мытнікі.
Пасажырцы адмовілі ва ўезьдзе ў Літву. Жанчыну з чамаданам, поўным савецкіх грошай, вярнулі назад у Беларусь.
Форум