Гэтыя дадзеныя, як і дадзеныя аб мэдыянным заробку, публікуюцца двойчы на год — па стане на травень і лістапад.
Паводле Беластата мэдыянны заробак у лістападзе летась склаў 2081,7 рублёў.
Мэдыянны заробак дзеліць усіх работнікаў на дзьве роўныя групы: адна палова атрымлівае менш за гэтую суму, а другая — больш.
Сярэдні заробак у лістападзе 2025 году быў 2703,7 рубля.
Дасьледаваньнем Белстата наконт разьмеркаваньня работнікаў па памерах заробкаў было ахоплена 2,5 мільёна чалавек — больш за палову занятых у эканоміцы.
Самыя нізкія заробкі (да 1000 рублёў, прыкладна да паловы мэдыяннага заробку) мелі сярод дасьледаваных Белстатам 170 тысячаў чалавек.
Ад 1000,1 да 2000 рублёў (прыкладна да мэдыяннага заробку) у лістападзе летась атрымлівалі 929 тысячаў работнікаў сярод дасьледаваных Белстатам. Заробкі ад 2000,1 да 3000 рублёў мелі сярод іх 728 тысячаў работнікаў, больш за 3000,1 рубля — 898 тысячаў.
Пры гэтым самыя высокія заробкі — звыш 10 тысячаў рублёў — мелі сярод дасьледаваных Белстатам 20 699 чалавек ( менш за 1%).
Форум