Як паведаміла Свабодзе крыніца ў праваахоўных органах, украінца пакаралі 5 гадамі пазбаўленьня волі без канфіскацыі маёмасьці з адтэрмінаваньнем на 2 гады.
Адначасова суд абавязаў яго выплаціць па 40 тысяч грыўняў (прыблізна па 1 тысячы даляраў ЗША) кампэнсацыі за маральны ўрон 12 з 15 пацярпелых жыхароў Валынскай вобласьці, у якіх па прыезьдзе ў Беларусь забіралі пашпарты і не выплачвалі ім заробкі.
Справу расьсьледавалі з кастрычніка 2017 году. У яе матэрыялах адзначалася, што грамадзянін Украіны вэрбаваў жыхароў Валынскай вобласьці на працу ў ААТ «Зембінскі» ў Барысаўскім раёне двойчы — у 2014 і ў 2016 гадах. Усім абяцаў легалізацыю, афіцыйную працу, высокі заробак, але па прыезьдзе забіраў у іх пашпарты, некалькіх украінцаў пабіў, калі яны патрабавалі разьлічыцца за выкананую працу.
Форум