У Міністэрстве ўнутраных справаў Беларусі паведамілі, што супрацоўнікі ГУБАЗіК пры сілавой падтрымцы атраду спэцыяльнага прызначэньня «Гром» затрымалі трох жыхароў Магілёва, «прыхільнікаў нацыянал-сацыялістычнай ідэалёгіі».
Як сказана ў паведамленьні МУС, затрыманыя стварылі і адміністравалі Telegram-каналы, якія прапагандавалі і праслаўлялі нацызм.
«Затрыманыя спрабавалі стварыць устойлівую арганізаваную групу, а фінансавую выгаду плянавалі атрымліваць за кошт прасоўваньня ў сваіх рэсурсах аналягічных суполак зь меншай аўдыторыяй», — паведамілі ў МУС.
Сьцьвярджаецца, што ў месцы іхнага жыхарства знайшлі і сканфіскавалі «нацысцкія сьцягі, тэматычную літаратуру, незарэгістраваную сымболіку, інструкцыю ў выбуховай справе і халодную зброю».
Затрыманьне праілюстравалі сярод іншага і бел-чырвона-белым сьцягам, які вісеў на сьцяне ў кватэры аднаго з затрыманых. Іх назвалі паганцамі, якія не паважаюць «традыцыйных каштоўнасьцяў».
Суд прызнаў Telegram-каналы затрыманых «экстрэмісцкімі» матэрыяламі. Супраць іх стваральнікаў завялі крымінальную справу за «рэабілітацыю нацызму, адмаўленьне генацыду беларускага народу, а таксама стварэньне экстрэмісцкага фармаваньня». Ім пагражае па 12 гадоў пазбаўленьня волі.
Праваабаронцы прызналі палітвязьнямі яшчэ 8 чалавек
У Беларусі іх зьняволілі за «ўзаемадзеяньне з эсктрэмісцкімі фармаваньнямі», паведаміла «Вясна».
- Сяргей Васюкевіч
- Віталь Выпражкін
- Уладзімір Джараеў
- Максім Дударга
- Аляксей Ісаеў
- Сяргей Літвінка
- Аляксандар Нядведскі
- Аляксей Шыловіч
Цяпер у Беларусі 1158 палітычных вязьняў, пра якіх ведаюць праваабаронцы «Вясны».
Форум