Як вынікае з апублікаванай на Нацыянальным праўным інтэрнэт-партале Беларусі пастанове ведамства, яе ўхвалілі 22 сьнежня 2025 году, а абмежаваньні будуць уводзіцца з 22 лютага 2026 году.
Згодна з дакумэнтам, для абанэнтаў у безьлімітных тарыфах уводзяць пачатковы аб’ём трафіку на ўзроўні 30 Гб на месяц.
Пасьля выкарыстаньня гэтага аб’ёму апэратары павіны зьніжаць хуткасьць мабільнага інтэрнэту да 1 Мбіт/с у кірунку да абанэнта.
У той жа час апэратарам мабільнай сувязі дазволілі прапаноўваць за грошы дадатковыя аб’ёмы інтэрнэт-трафіку.
З 22 студзеня апэратары павінны прывесьці ў адпаведнасьць з гэтымі патрабаваньнямі ўсе раней заключаныя дагаворы і дзейныя тарыфныя пляны.
Як патлумачылі ў Міністэрстве сувязі, новыя патрабваньні ўвялі праз «перагрузку сетак».
«Цяпер фіксуецца значнае спажываньне рэсурсаў сетак сотавай сувязі асобнымі абанэнтамі, што адмоўна адбіваецца на якасьці паслуг сотавай сувязі ў цэлым для большасьці звычайных абанэнтаў, якія адзначаюць нізкія хуткасьці перадачы дадзеных у сетках сотавай сувязі», — паведамілі ў ведамстве.
Форум