Скан дакумэнта распаўсюдзіў офіс Сьвятланы Ціханоўскай.
«Пасьля выданьня 4 верасьня 2023 года беларускімі ўладамі ўказу „Аб парадку выдачы дакумэнтаў і зьдзяйсьненьня дзеяньняў“. беларускім пасольствам і консульствам за мяжой забаронена выдаваць пашпарты. Гэтая мера накіравана на тое, каб прымусіць беларускіх грамадзян за мяжой — дзе пашпарт падвяргаюцца рэальнай рызыцы затрыманьня па палітычных прычынах», — адзначаецца ў інструкцыі.
Згадваецца заява экспэртаў ААН на сайце Ўпраўленьня вярхоўнага камісара ААН па правах чалавека ад 20 верасьня 2023 года. У ім канстатавалася абмежаваньне правоў беларусаў і зьмяшчаўся заклік да дзяржаў — сябраў ААН дзейнічаць у адпаведнасьці з іх міжнароднымі абавязацельствамі і садзейнічаць беларусам, якія не могуць бясьпечна вярнуцца на радзіму, атрымліваць дакумэнты, якія дазваляюць карыстацца асноўнымі паслугамі і забясьпечваюць свабоду руху.
У інструкцыі прыводзіцца таксама заява Рады Эўрапейскага зьвязу ад 19 лютага 2024 года, у якой асуджаецца «пашпартны» ўказ і пацьвярджаецца курс на падтрымку пацярпелых ад рэпрэсій.
У дакумэнце пералічаныя краіны ЭЗ, якія ўжо прызналі пратэрмінаваныя беларускія пашпарты: Аўстрыя, Кіпр, Літва, Францыя, Швэцыя, Эстонія.
Далучыцца да гэтага сьпісу Гішпанія вырашыла «з прычыны названых прычын» і з-за яе прыхільнасьці да выкананьня правоў чалавека ў Беларусі.
Паводле інфармацыі офіса Ціханоўскай, інструкцыя стала вынікам дамоўленасьці з гішпанскімі ўладамі падчас яе візыту ў Мадрыд у чэрвені 2025 года.
Гэтую ж тэму абмяркоўваў яе дарадца па дыпляматычных пытаньнях Дзяніс Кучынскі 18 студзеня 2026 года ў Мадрыдзе на перамовах з дзяржаўным сакратаром МЗС Гішпанія Дыега Марцінэсам Беліа.
Форум