Паводле афіцыйнай інфармацыі, Іван Крупко наведвае Ельскі раён, каб патлумачыць яго жыхарам «ключавыя аспэкты пасланьня Аляксандра Лукашэнкі беларускаму народу і Нацыянальнаму сходу».
Перад сустрэчамі ў працоўных калектывах ён прыняў грамадзян з рознымі пытаньнямі, у тым ліку і Натальлю Пятроўну.
«На яе думку, відэакамэры побач зь яе прыватным домам могуць адсочваць яе дзеяньні, што ёсьць умяшаньнем у прыватнае жыцьцё», — адзначаецца ў паведамленьні Гомельскага аблвыканкаму.
У мясцовым РАУС на гэта адказалі, што «камэры ўсталявалі дзеля забесьпячэньня правапарадку, яны фіксуюць выкананьне правілаў дарожнага руху і не ажыцьцяўляюць здымкі ўчастку», што належыць жанчыне.
Пачынаючы з 2020 году, пасьля масавых акцыяў пратэсту супраць сфальсыфікаваных вынікаў прэзыдэнцкіх выбараў, улады актыўна ставяць камэры назіраньня па ўсёй краіне.
Летась паведамілі, што да канца 2026 году ў Менску на шматкватэрных дамах будзе ўсталявана каля 20 000 відэакамэраў, каб кантраляваць «стан жыльлёвага фонду і догляду двароў».
У сакавіку 2025 году ўлады паведамілі, што па ўсёй тэрыторыі Беларусі паставілі 60 тысяч «разумных» камэраў відэаназіраньня, пры дапамозе якіх шукаюць і ўдзельнікаў пратэстаў.
Стварыць у Беларусі сыстэму маніторынгу грамадзкай бясьпекі, прасьцей кажучы, відэаназіраньне за грамадзянамі, вырашылі даўно — яшчэ ў лістападзе 2013 году, перад чэмпіянатам сьвету ў хакеі ў Менску, Лукашэнка тады ўпершыню падпісаў указ «Аб пытаньнях стварэньня і прымяненьня сыстэмы відэаназіраньня ў інтарэсах забесьпячэньня грамадзкага парадку».
З таго моманту пачалася гісторыя стварэньня сыстэмы назіраньня ў Беларусі.
Форум