Аб’ём прамысловай вытворчасьці ў 2025 склаў 208 млрд. рублёў. Ён зьнізіўся на 1,8% у параўнаньні з 2024 годам, паведаміў Белстат.
Як піша Белстат, пры гэтым горназдабыўная прамысловасьць паказала рост на 2,7%, апрацоўчая прамысловасьць падзеньне на 2,5 працэнта. Аб'ём грузаперавозак у 2025 годзе зьнізіўся на 2,6% у параўнаньні з 2024 годам.
Як паведамляе Эўразійскі банк разьвіцьця ў сваім аглядзе, стрымліваючым фактарам росту беларускай эканомікі зьяўляецца «скарачэньне выпуску прамысловай прадукцыі ва ўмовах ахаладжэньня зьнешняга попыту», у прыватнасьці з боку Расеі.
