У Беларусі ў сакавіку пашыраць адсочваньне ўвозу і продажу бытавой тэхнікі

З 1 сакавіка 2026 году ў Беларусі пад кантроль возьмуць яшчэ больш бытавой тэхнікі.

Міністэрства падаткаў і збораў папярэдзіла аб пашырэньні пераліку тавараў, якія падлягаюць адсочваньню. Гэта значыць, што рух гэтых пазыцый — ад увозу да продажу — павінен будзе адлюстроўвацца ва ўліку.

У сьпіс трапілі як новыя, так і некаторыя ўжываныя тавары.

Пад кантроль трапяць пральныя машыны і тэлевізары, уключна з ужыванымі, а таксама новая тэхніка: кухонныя камбайны, мультываркі, посудамыйныя машыны, мікрахвалёўкі, пліты і варачныя паверхні, пыласосы, прасы, імбрыкі, дрылі і фэны.

ГЛЯДЗІЦЕ ТАКСАМА:

Смартфоны — не, пыласосы — так. Што зараз нельга везьці з Эўразьвязу ў Беларусь і ў адваротным кірунку

ГЛЯДЗІЦЕ ТАКСАМА:

Беларусы скардзяцца на рост цэнаў і на тое, што беларускія тавары за мяжой таньнейшыя, чым дома