«Ва ўсіх выпадках датычна такіх грамадзян ужылі меры адміністрацыйнага спагнаньня ў выглядзе штрафу з канфіскацыяй тавараў, якія незаконна перамяшчаліся», — паведамілі ў мытным камітэце.
Сярод апошніх выпадкаў згадалі, як грамадзянка Ўкраіны спрабавала ўвезьці праз пункт пропуску «Берасьце» квадракоптар, аснашчаны камэрай для ажыцьцяўленьня відэаздымак, а беларус — радыёкіраваныя авіямадэлі ў выглядзе дзіцячых цацак.
У мытным камітэце папярэдзілі, што за паўторнае аналягічнае правапарушэньне пагражае крымінальная адказнасьць.
У верасьні 2023 году Аляксандар Лукашэнка падпісаў указ аб парадку набыцьця і выкарыстаньня цывільных бесьпілётных лятальных апаратаў (БЛА).
Указам прадугледжана, што ўвоз на тэрыторыю Беларусі, захоўваньне, абарот, эксплюатацыя і выраб цывільных БЛА дазволены толькі арганізацыям і індывідуальным прадпрымальнікам у мэтах іх прадпрымальніцкай і прафэсійнай дзейнасьці «з захаваньнем патрабаваньняў, устаноўленых гэтым указам». Для фізычных асобаў усё гэта ўказам забаронена.
Форум