Як адзначаецца ў паведамленьні ведамства, узмоцнены рэжым кантролю дзейнічае ў Люцыне і валасьцях Люцынскага краю, у валасьцях Краслаўскага краю, у Аўгшдаўгаўскім краі, у Дзьвінску і ў воласьці Каўнатас Рэжыцкага краю.
«Рашэньне ўхвалілі для забесьпячэньня непарушнасьці дзяржаўнай мяжы і прадухіленьня пагроз дзяржаве, паколькі на латвійска-беларускай мяжы ўсё яшчэ выяўляецца непрапарцыйна вялікая колькасьць спроб незаконнага перасячэньня мяжы», — адзначылі ў МУС Латвіі.
Згодна зь інфармацыяй ведамства, з 1 студзеня па 22 снежня 2025 году прадухілілі 12 025 спроб незаконнага перасячэньня дзяржаўнай мяжы. З гуманітарных меркаваньняў мяжу дазволілі перасячы 31 чалавеку.
У МУС Латвіі адзначылі, што фіксуюць пашкоджаньні пабудаванай на мяжы зь Беларусьсю, таму да канца 2026 году плянуюць завяршыць аснашчэньне тэхнічнымі сродкамі памежную інфраструктуру.
«Вайна супраць Украіны, ініцыяваная Расеяй і адкрыта падтрыманая Беларусьсю, таксама ацэньваецца як дадатковы фактар рызыкі і магчымая матывацыя для Беларусі працягваць намаганьні па дэстабілізацыі сытуацыі на дзяржаўнай мяжы з Латвіяй», — дадалі ў латвійскім ведамстве.
Пры неабходнасьці ўрад Латвіі можа падоўжыць рэжым узмоцненай аховы мяжы зь Беларусьсю і пасьля 30 чэрвеня 2026 году.
Форум