За дакумэнт прагаласавалі 79 краін, супраць — 16, а 73 краіны ўстрымаліся, піша Ўкраінская служба Радыё Свабода.
Супраць прагаласавалі Расея, Беларусь, Паўночная Карэя, Кітай, Іран, Буркіна-Фасо, Эрытрэя, Судан, Малі, Зімбабве, Бурундзі, Цэнтральнаафрыканская Рэспубліка, Конга, Экватарыяльная Гвінэя, Куба і Нікарагуа.
Паводле слоў міністра замежных спраў Андрэя Сыбігі, Украіна штогод ініцыюе гэтую рэзалюцыю з 2016 года.
Дакумэнт рэзка асуджае агрэсію Расеі, пацьвярджае сувэрэнітэт і тэрытарыяльную цэласнасьць Украіны, патрабуе неадкладнага спыненьня вайны і вываду расейскіх войскаў.
«Рэзалюцыя ўзмацняе міжнародны маніторынг сур’ёзных парушэньняў правоў чалавека і гуманітарнага права і падкрэсьлівае неабходнасьць адказнасьці», — напісаў Сыбіга у сацыяльнай сетцы X.
Раней Беларусь галасавала супраць рэзалюцыі Генэральнай Асамблеі ААН, у якой заклікала да неадкладнага і безумоўнага вяртаньня ўкраінскіх дзяцей, «гвалтоўна перавезеных» у Расею.
- Аляксандар Лукашэнка падтрымаў расейскае ваеннае ўварваньне ва Ўкраіну ў лютым 2022 году, дазволіўшы скарыстаць вайсковую інфраструктуру і паветраную прастору краіны для ўварваньня расейскай арміі і абстрэлаў мірных гарадоў Украіны, ахвярамі якіх сталі дзясяткі тысяч цывільных украінцаў.
- Расейскія войскі рэгулярна абстрэльваюць Украіну з розных відаў узбраеньня — ударнымі дронамі, ракетамі, кіраванымі авіябомбамі.
Форум