Таксама адкрыўся Цэнтар беларускай дэмакратычнай супольнасьці ў Італіі. Яго кіраўніца Юлія Юхно — прадстаўніца Народных амбасадаў і «Talaka». Пра гэта паведамляецца ў сацсетках лідэркі дэмакратычных сілаў.
Адзначаецца, што адкрыцьцё шэлтару і Цэнтру стала магчымым дзякуючы папярэднім візытам Сьвятланы Ціханоўскай у Італію, працы Юліі Юхно і беларускай дыяспары ў Італіі.
Акрамя беларусаў на адкрыцьці прысутнічалі прадстаўнікі гарадзкой і абласной адміністрацыі, прафсаюзаў і палітычных партый, віцэ-прэзыдэнтка Эўрапейскага парлямэнту Піна Пічэрна, сэнатар і былы амбасадар Марка Ламбардзі, старшыня гарадзкой рады Сэста-Ф’ярэнціна Серэна Сасаніні, старшыня Рэгіянальнай рады Тасканы Стэфанія Сакардзі і іншыя.
«Цэнтар беларускай дэмакратычнай супольнасьці ў Флярэнцыі — нашая першая пляцоўка ў Італіі, але, спадзяюся, не апошняя. Я вельмі ўдзячная Юліі Юхно, яе камандзе і валантэркам: іх намаганьні і ўпартасьць зрабілі ўсё гэта магчымым. Цэнтар будзе праводзіць культурніцкія, адукацыйныя і палітычныя мерапрыемствы, зьвязаныя з Беларусьсю», — сказала Сьвятлана Ціханоўская падчас адкрыцьця.
Як напісаў у Фэйсбуку старэйшы дарадца Ціханоўскай Франак Вячорка, мэта — даць пляцоўку для беларускіх ініцыятываў, мерапрыемстваў, сустрэч, а таксама прадстаўляць і абараняць інтарэсы беларусаў у Італіі.
Форум