Умовы бязвізавага ўезду застаюцца ранейшымі. Грамадзяне гэтых краінаў могуць перасякаць дзяржаўную мяжу Беларусі праз усе аўтадарожныя і чыгуначныя міжнародныя пункты пропуску, выкарыстоўваючы сапраўдныя дакумэнты для выезду за мяжу. Тэрмін знаходжаньня ў Беларусі складае ня больш за 30 сутак з дня ўезду, а для грамадзян Польшчы, Літвы, Латвіі і асоб, якія маюць статус не грамадзяніна Латвіі, — ня больш за 90 сутак.
Правам бязьвізавага ўезду можна карыстацца неабмежаваную колькасьць разоў, пры гэтым агульная колькасьць дзён знаходжаньня па бязьвізе не павінна перавышаць 90 дзён у каляндарным годзе. Захоўваецца таксама бязьвізавы парадак уезду праз аэрапорты Беларусі.
Замежныя грамадзяне, якія прыбылі ў бязьвізавым парадку, могуць рухацца транзытам праз краіну, уключаючы паветраныя пункты пропуску, у трэція дзяржавы, за выключэньнем Расеі.
Паводле БелТА, з 1 студзеня гэтага года ў Беларусь прыбылі больш як 210 тыс. замежных грамадзян з 38 краінаў, уключаных у сьпіс бязьвіза.
Вось гэтыя краіны:
- Андора
- Аўстрыя
- Бэльгія
- Босьнія і Герцагавіна
- Баўгарыя
- Харватыя
- Кіпр
- Чэхія
- Данія
- Эстонія
- Фінляндыя
- Францыя
- Германія
- Грэцыя
- Вугоршчына
- Ісьляндыя
- Ірляндыя
- Італія
- Латвія
- Ліхтэнштэйн
- Літва
- Люксэмбург
- Мальта
- Манака
- Нідэрлянды
- Паўночная Македонія
- Нарвэгія
- Польшча
- Партугалія
- Румынія
- Сан-Марына
- Славакія
- Славенія
- Гішпанія
- Швэцыя
- Швайцарыя
- Вялікабрытанія
- Ватыкан
Большасьць гэтых краінаў рэжым Лукашэнкі лічыць «недружалюбнымі» за тое, што ўвялі санкцыі альбо далучыліся да іх.
