Ужо сёньня: Дзень памяці Вітаўта Вялікага; 150 гадоў з дня нараджэньня першага біёграфа Янкі Купалы

Гэты дзень у гісторыі

1806 — пасьля перамогі пры Ене і Аўэрштаце Напалеон увайшоў у Бэрлін.

1873 — амэрыканец Джозэф Глідэн запатэнтаваў калючы дрот.

1919 — у Слуцку выйшаў першы нумар газэты «Наша каляіна», органа арганізацыі «Папараць-кветка».

1922 — у Італіі пачаўся фашысцкі «паход на Рым», які скончыўся прызначэньнем на пасаду прэм’ер-міністра лідэра фашыстаў Бэніта Мусаліні.

1924 — у Пінску заснаваны Музэй беларускага Палесься.

1939 — літоўскія войскі ўвайшлі ў Вільню, якую СССР перадаў Літве. Такім чынам, месяц і 9 дзён (ад 18.09) горад пабыў сталіцай Заходняй Беларусі пад савецкай уладай.

1962 — дзень, калі сьвет быў найбліжэй да глябальнай ядзернай вайны. У часе карыбскага крызісу савецкая зэнітная ракета зьбіла над Кубай выведны самалёт ЗША; пілёт, маёр Рудалф Андэрсан, загінуў.

1991 — Туркмэністан абвясьціў пра сваю незалежнасьць.

У гэты дзень нарадзіліся

1469 — Эразм Ратэрдамскі, нідэрляндзкі гуманіст.

1553 — Мігель Сэрвэт, гішпанскі мысьляр і лекар, абвінавачаны ў ерасі, спалены на вогнішчы.

1728 — Джэймз Кук, брытанскі першаадкрывальнік.

1782 — Нікалё Паганіні, італьянскі скрыпач-віртуоз і кампазытар.

1839 — пад Пінскам нарадзіўся Іцхак Якаў Рэйнэс, ідэоляг сіянізму і перасяленьня габрэяў у Ізраіль.

1875 — Леў Клейнбарт, пісьменьнік, першы біёграф Янкі Купалы.

1890 — Віктар Шутовіч, беларускі каталіцкі сьвятар, публіцыст.

1911 — Мікола Лобан, беларускі пісьменьнік і мовазнаўца.

1952 — Фрэнсіс Фукуяма, амэрыканскі філёзаф і палітоляг.

У памяці

1430 — Вітаўт, вялікі князь літоўскі, пры якім ВКЛ стала найбольшай у Эўропе дзяржавай — ад Балтыкі да Чорнага мора.

1505 — Іван III, вялікі князь маскоўскі.

1837 — Міхал Гузікаў, беларускі музыка-клезьмер, аўтар уласнай мадэлі ксыляфона.

1887 — Браніслаў Мінейка, удзельнік паўстаньня 1863–1864 гадоў.

1907 — Зыгмунт Чаховіч, удзельнік паўстаньня 1863–1864 гадоў.