Пра гэта ў жывым эфіры «ПіК Свабоды» расказваюць чэскі журналіст Ондржэй Соўкуп і праваабаронца, былы палітвязень Леанід Судаленка.
Ондржэй Соўкуп:
«Мы разумеем, што цяперашняя апэрацыя зьвязаная з працай расейскай выведкі. Бо да 2022 Прага была цэнтрам расейскага шпіянажу ня толькі для Чэхіі, але яны кіравалі сваімі агентамі ў Нямеччыне, Вугоршчыне, у іншых краінах.
Раней тут было больш за 60 расейскіх дыпляматаў, якіх падазравалі ў тым, што яны ў сваім статусе робяць нешта для спэцслужбаў. А цяпер расейская выведка вымушаная працаваць зь нелегаламі, зь людзьмі, у якіх няма дыпляматычнага імунітэту, рызыкаваць гэтымі людзьмі. Таму яны могуць папрасіць беларускага калегу, каб той, напрыклад, зьезьдзіў у Будапэшт, нешта там перадаў. Падчас Халодной вайны тая ж чэхаславацкая выведка працавала ў нейкіх краінах, дзе савецкая выведка не магла добра працаваць».
Леанід Судаленка:
«Калі паступіць каманда — а каманда ў калёніі паступае выключна з Дэпартамэнту выкананьня пакараньняў — стварыць пекла на зямлі таму ці іншаму асуджанаму, гэта будзе выконвацца. Адразу як толькі чалавек трапляе ў карантын, яго проста адтуль кідаюць у ШЫЗА, трымаюць там пэўны час, потым глядзяць на паводзіны гэтага чалавека.
Безумоўна, калі чалавек не ламаецца, адмаўляецца супрацоўнічаць, ён увесь свой тэрмін можа сядзець у жахлівых умовах.
Ці ўжываюць фізычны гвалт? Напэўна так. Па лягеры хадзілі чуткі, што спачатку кідаюць у карцар, і там у адзіночнай камэры могуць ужываць фізычны гвалт да таго ці іншага палітвязьня».
Форум