Гэтую сустрэчу ўжо называюць альянсам супраць «заходняга дамінаваньня» і альтэрнатыўнага глябальнага парадку на чале з Кітаем.
Госьці «Піка Свабоды» - гісторык і кітаіст Яўген Красулін і супрацоўнік Радыё Свабода Яраслаў Шымаў.
Красулін: Гэта Кітай патрэбны Лукашэнку, а не наадварот. А што можа даць яму Кітай? Кітай — не падатчык міласьціны, гэта даволі прагматычнае ўтварэньне, якое за свае інвэстыцыі, грошы і ўвагу будзе патрабаваць нешта ўзамен. Але пакуль не прасочваецца, што ім можа даць Лукашэнка. Кітай жа можа даць Лукашэнку легітымнасьць на міжнароднай арэне. Для Кітая існуе жорсткая герархія. Ёсьць Расея і ёсьць васал Расеі Беларусь. Таму Беларусь, як васал Расеі, ня можа быць васалам Кітаю. Кітай можа карыстацца Беларусьсю, але прызнаваць яе як суб’ект ён ня будзе.
Шымаў: Геапалітычнае і стратэгічнае разьмяшчэньне Беларусі даволі важнае. Магчыма дзякуючы гэтаму Кітай глядзець на Беларусь інакш, чым на некаторыя іншыя невялікія дзяржавы. Тут я маю на ўвазе афрыканскія краіны і суседзяў па паўднёва-Усодняй Азіі. Іншая справа, што ў зьнешнепалітычным пляне Беларусь і Расею цяпер з цяжкасьцю можна разьдзяліць. Таму я лічу, што ў будучыні адносіны Менска і Пэкіну будуць будавацца прыз прызму адносін Пэкіна і Масквы.
«ПіК Свабоды»
«ПіК Свабоды» — гэты YouTube-праграма і падкаст пра самыя важныя падзеі для Беларусі і беларусаў.
Чатыры разы на тыдзень — з панядзелка па чацьвер — дасьведчаныя журналісты і рэдактары Свабоды выбіраюць для вас галоўныя навіны дня і тлумачаць, што яны значаць.
Па пятніцах мы рыхтуем тыднёвы аналітычны выпуск, у якім разам з вартымі даверу экспэртамі разьбіраем працэсы і тэндэнцыі ў палітыцы, эканоміцы, грамадзтве і культуры.
Як глядзець на YouTube
Падпішыцеся на наш YouTube-канал «Свабода. Падзеі і камэнтары» (@svaboda-news).
Новы выпуск дасяжны на канале штодня а 1830 менскага часу.
Як слухаць падкаст
Калі вам зручней слухаць, а не глядзець, наш праект дасяжны на асноўных падкаст-плятформах. Выберыце тую, якая падыходзіць менавіта вам.
• Наш сайт
• Apple Podcasts
• Spotify
• Soundcloud
• Podcast Republic
Чароўная спасылка — клікнуўшы на яе, вы аўтаматычна трапіце на адну з папулярных плятформаў.
Форум