Ужо сёньня: У 1968 годзе пачалося задушэньне «Праскай вясны»

21 жнівень 2025, 00:01

Падзеі 21 жніўня ў беларускай і сусьветнай гісторыі.

У гэты дзень

1928 — у Менску адкрыўся Беларускі навукова-дасьледчы інстытут сухотаў.

1932 — у Вэнэцыі адбыўся першы міжнародны кінафэстываль.

1937 — у СССР расстралялі лідэраў кампартыі Польшчы.

1941 — у Менску стварылі Беларускую незалежніцкую партыю.

1959 — Гаваі атрымалі статус 50-га штату ЗША. Менш чым праз два гады тут народзіцца Барак Абама, 44-ы прэзыдэнт Злучаных Штатаў (з 20 студзеня 2009 па 20 студзеня 2017 году).

1968 — войскі краінаў Арганізацыі Варшаўскай дамовы ўварваліся ў Чэхаславаччыну, каб здушыць «Праскую вясну».

21 жніўня 1968 году: як СССР уварваўся ў Чэхаславаччыну

1/15 Савецкія танкі ў атачэньні натоўпу пратэстоўцаў на Вацлаўскай плошчы ў Празе 21 жніўня 1968 году.

2/15 Савецкія салдаты тушаць танк, падпалены пратэстоўцамі каля будынку чэхаславацкага радыё ў Празе.

3/15 Савецкія танкі зь белай маркіроўкай каля будынку ЦК Чэхаславацкай кампартыі ў Празе.

4/15 Удзельніца пратэстаў зьвяртаецца да савецкіх салдат у Празе.

5/15 Малады жыхар Прагі забіраецца на савецкі танк T-54 на Вінаградзкай вуліцы непадалёк ад будынку дзяржаўнага радыё.

6/15 Аўтобусы і грузавікі, зь якіх пратэстоўцы паставілі барыкады, былі ператвораныя ў друз агнём і савецкімі танкамі.

7/15 Пратэстовец са скрываўленым чэхаславацкім сьцягам перад савецкім танкам.

8/15 Фатограф здымае савецкі танк на Вацлаўскай плошчы ў цэнтры Прагі.

9/15 Пратэстоўцы кідаюць камяні ў савецкія танкі на ўезьдзе ў Прагу.

10/15 Савецкі танк тараніць гарадзкі аўтобус, які пратэстоўцы паставілі ў барыкаду каля будынку чэхаславацкага радыё ў Празе.

11/15 Савецкія танкі і браневікі на Плошчы рэспублікі ў цэнтры Прагі.

12/15 Маладыя жанчыны назіраюць, як танкі пад'яжджаюць да будынку дзяржаўнага радыё ў Празе.

13/15 Пахаваньне 20-гадовага Мілана Кадлеца, забітага падчас уварваньня.

14/15 Жыхары Прагі атачылі савецкія танкі.

15/15 Плякат у цэнтры гораду Плзэнь на захадзе Чэхаславаччыны.

1991 — Латвія дэкляравала аднаўленьне сваёй незалежнасьці ад СССР.

1991 — у СССР пацярпеў паразу жнівеньскі путч: дэлегацыя ГКЧП прыляцела на дачу Міхаіла Гарбачова ў Фарос, Гарбачоў аднавіў сувязь са зьнешнім сьветам, адмяніў усе пастановы ГКЧП і прызначыў новых кіраўнікоў сілавых ведамстваў.

1999 — у Сафіі зь пятай спробы падарвалі маўзалей, дзе да 1990 году ляжала цела камуністычнага лідэра Баўгарыі Георгія Дзімітрава.

2020 — увечары 21 жніўня ў Менску ад мэмарыялу ў Курапатах да турмы на Акрэсьціна людзі сталі ў 13-кілямэтровы «ланцуг пакаяньня».

У гэты дзень нарадзіліся

1874 — Уладзімер Беняшэвіч, беларускі гісторык, публіцыст.

1906 — Макар Пасьлядовіч, беларускі пісьменьнік.

1907 — Барыс Кавэрда, антыкамуністычны дзяяч.

1908 — Міхаіл Ельяшэвіч, беларускі фізык.

ГЛЯДЗІЦЕ ТАКСАМА:

10 фактаў пра пісьменьніка Леаніда Дайнеку, які захапляўся Напалеонам і стаў «алькагольным баронам»

У гэты дзень памерлі

1860 — Канут Русецкі, беларускі мастак

1979 — Генадзь Кляўко, беларускі паэт, перакладчык

21 жніўня 2019 году на 80-м годзе жыцьця памёр Леанід Дайнека, беларускі пісьменьнік, аўтар гістарычных раманаў.

Леанід Дайнека вядомы як адзін з найлепшых беларускіх гістарычных пісьменьнікаў. Ён аўтар раманаў «Меч князя Вячкі» пра барацьбу Полацка зь немцамі ў Ніжнім Падзьвіньні, «Сьлед ваўкалака» пра полацкага князя Ўсяслава Брачыславіча, «Жалезныя жалуды» пра раньні этап станаўленьня Вялікага Княства Літоўскага, «Назаві сына Канстанцінам» пра гістарычныя падзеі XV–XVI стагодзьдзяў у Рыме, ВКЛ і Канстанцінопалі.

У часы незалежнасьці Беларусі разам з сынамі Сяргеем, Зьмітром і Сьцяпанам Леанід Дайнека займаўся прадпрымальніцкай дзейнасьцю, заснаваў фірмы «Пасад» і «БелПі». Сямейная кампанія вырабляла гатункі настояў «Крамбамбуля».

Тэмы гэтага артыкулу

Форум

Камэнтаваць тут можна праз Disqus. Калі вы ў Беларусі, любы камэнтар можа быць падставай для перасьледу з боку ўладаў.