Дата дня
31 ліпеня 1949 году на першым кангрэсе беларусаў ЗША ў Нью-Ёрку была створаная арганізацыя «Беларуска-амэрыканскае задзіночаньне» — найстарэйшая беларуская арганізацыя ў ЗША. У 1950 годзе арганізацыя атрымала афіцыйнае прызнаньне з боку амэрыканскіх уладаў.
Сёньня «Беларуска-амэрыканскае задзіночаньне» складаецца з шэрагу мясцовых структураў — аддзелаў і мясцовых гурткоў ад Нью-Ёрку да Каліфорніі.
У гэты дзень
1649 — пад Лоевам адбылася самая буйная бітва казацкай вайны часоў паўстаньня Багдана Хмяльніцкага. Урадавыя войскі Вялікага Княства Літоўскага разьбілі 25-тысячнае казацкае войска на чале зь Міхаілам Крычэўскім.
1920 — падчас савецка-польскай вайны праз тры тыдні пасьля заняцьця Менску Чырвонай арміяй была прынятая «Дэклярацыя аб абвяшчэньні незалежнасьці Сацыялістычнай Савецкай Рэспублікі Беларусь». Гэта стала другім абвяшчэньнем савецкай беларускай дзяржаўнасьці. Усходняй мяжой ССРБ прызналі мяжу Менскай губэрні, а сама тэрыторыя рэспублікі тады абмяжоўвалася толькі шасьцю паветамі.
1944 — у Беларусі пачалася маштабная апэрацыя НКВД з мэтаю ліквідацыі ў заходніх раёнах узброенага падпольля. Усяго за год арыштавалі амаль сто тысяч чалавек, забілі пры супраціве 3,2 тысячы.
1959 — з гэтага дня вядзе свой адлік Менскі абласны краязнаўчы музэй. Заснаваны ён быў як Маладачанскі абласны краязнаўчы музэй, бо тады яшчэ была Маладачанская вобласьць. Пасьля таго, як у студзені 1960-га вобласьць ліквідавалі, музэй перайменавалі. Так і выйшла, што Менскі абласны музэй месьціцца за 70 км ад сталіцы.
1957 — выйшла пастанова ЦК КПСС пра разьвіцьцё жыльлёвага будаўніцтва ў СССР; лічыцца днём нараджэньня знакамітых «хрушчовак».
1991 — ЗША і Савецкі Саюз падпісалі дамову аб скарачэньні стратэгічных узбраеньняў, паводле якой запасы ядзерных боегаловак бакоў былі скарочаныя на траціну.
1991 — на мяжы Літвы і Беларусі, на пасту ў Мядзінінкаі (Медніках), прадстаўнікі рыскага АМАПу напалі на літоўскіх мытнікаў і паліцыянтаў, зь іх сямёра загінулі, адзін змог выжыць, хоць і застаўся інвалідам.
У гэты дзень нарадзіліся
1802 — Ігнат Дамейка, удзельнік нацыянальна-вызвольнага руху Беларусі, славуты чылійскі навуковец.
1817 — Ігнат Храпавіцкі, беларускі паэт і фальклярыст.
1898 — Сендэр Палеес, мастацтвазнаўца, гісторык, навуковы супрацоўнік Дзяржаўнага мастацкага музэя БССР.
1911 — Вінцук Склубоўскі, дзяяч беларускага руху ў Заходняй Беларусі і на Падляшшы.
1912 — Мілтан Фрыдман, амэрыканскі эканаміст, нобэлеўскі ляўрэат 1976 году.
1957 — Генадзь Фядыніч, беларускі прафсаюзны дзяяч і адзін зь лідэраў незалежнага рабочага руху. Узначальваў Беларускі прафсаюз работнікаў радыёэлектроннай прамысловасьці (1990—2018). У красавіку 2022 году Фядыніча арыштавалі, у ліпені Вярхоўны суд прымусова ліквідаваў прафсаюз РЭП. У студзені 2023-га прафсаюзнага лідэра асудзілі на 9 гадоў калёніі. 11 верасьня 2025 году Генадзя Фядыніча вызвалілі і прымусова вывезьлі ў Літву.
1965 — Джоан Роўлінг, ангельская пісьменьніца, аўтарка кніг пра Гары Потэра.
1989 — Вікторыя Азаранка, беларуская тэнісістка.
У памяці
1556 — Ігнацы Ляёла, заснавальнік ордэна езуітаў.
1784 — Дэні Дзідро, францускі мысьляр і пісьменьнік.
1849 — Шандар Пэцёфі, вугорскі паэт і рэвалюцыянэр (загінуў у баі).
1886 — Фэрэнц Ліст, вугорскі кампазытар.
1944 — Антуан дэ Сэнт-Экзюпэры, францускі пісьменьнік (не вярнуўся з ).
1944 — падчас вайсковага выведвальнага палёту над Міжземным морам зьнік бязь вестак Антуан дэ Сэнт-Экзюпэры, знаны францускі пісьменьнік. Толькі ў 2000 годзе абломкі ягонага самалёта выпадкова знайшлі на марскім дне каля Марсэлю.
1981 — Мiхась Ларчанка, літаратуразнавец, літаратурны крытык.
1998 — Аляксей Філіпчанка, беларускі юрыст, праваабаронца, удзельнік нацыянальна-дэмакратычнага руху 1990-х, ахвяра палітычнага перасьледу.
1998 — Аляксей Філіпчанка, беларускі праваабаронца, юрыст і былы сьледчы ў асабліва важных справах (удзельнік расьсьледаваньня справы віцебскага маньяка Міхасевіча). 8 ліпеня 1998 году каля Гомельскай пракуратуры ён учыніў самаспаленьне на знак пратэсту супраць рашэньня судовых чыноўнікаў адабраць жыльлё ў пэнсіянэркі, якая была ягонай падабароннай.
2012 — Янка Саламевіч, літаратуразнавец, фальклярыст, бібліёграф, перакладнік.