Картэж спыніўся на Катэдральным пляцы, дзе яго сустрэлі архібіскуп Літвы Гінтарас Грушас, прэзыдэнт Літвы Гітанас Наўседа, камандзір Узброеных сілаў Раймундас Вайкшнарас, міністар абароны Давіле Шакалене, іншыя высокапастаўленыя службоўцы, амбасадары. Далей картэж паедзе праспэктам Гедзіміна.
Як прайшла цырымонія разьвітаньня з загінулымі амэрыканскімі вайскоўцамі. Фотарэпартаж
Жыхароў Вільні напярэдадні заклікалі ўшанаваць памяць загінулых. Трэцяга красавіка з 10-й да 12-й гадзіны ў цэнтры абмежаваны рух транспарту.
Чацьвёра амэрыканскіх жаўнераў уваходзілі ў экіпаж панцырнай машыны М88 Hercules, якая патанула ў балоце каля палігону. Пра іх зьнікненьне стала вядома раніцай 25 сакавіка. Пошукавая апэрацыя працягвалася некалькі дзён. Машыну знайшлі 26 сакавіка, але здолелі выцягнуць на паверхню толькі пад раніцу 31 сакавіка. У той жа дзень знайшлі целы трох амэрыканскіх вайскоўцаў, а 1 красавіка — цела чацьвёртага вайскоўца, які таксама загінуў. Літоўская пракуратура завяла справу па факце сьмерці амэрыканскіх вайскоўцаў на палігоне ў Літве.
1 красавіка больш за тысячу чалавек сабраліся ля амбасады ЗША ў Вільні, каб ушанаваць памяць амэрыканскіх салдатаў. У акцыі салідарнасьці прынялі ўдзел вядомыя палітыкі краіны.
Форум