«Затрыманы падазраваны ў забойстве актывіста. У кватэры, дзе ён хаваўся, была знойдзена зброя, пры дапамозе якой, імаверна, верагодна, і было ўчыненае злачынства», — сказаў ён.
Прэзыдэнт Украіны Ўладзімір Зяленскі пацьвердзіў затрыманьне ў Адэсе падазраванага ў забойстве грамадзкага дзеяча Дзям’яна Ганула:
У раскрыцьці гэтага злачынства задзейнічаныя дзясяткі сьледчых, апэратыўнікаў, судмедэкспэртаў — напісаў Зяленскі ў сацсетцы.
У СБУ адзначылі, што сьледча-апэратыўныя мерапрыемствы працягваюцца, адпрацоўваюцца магчымыя матывы злачынства, у тым ліку вэрсіі адносна замоўнага характару забойства, а таксама «расейскага сьледу».
Зяленскі дадаў, што даручыў кіраўнікам МУС, СБУ і выканаўцу абавязкаў генпракурора «прыцягнуць усе неабходныя сілы і сродкі для ўстанаўленьня ўсіх фактаў».
Удзень 14 сакавіка Нацыянальная паліцыя заявіла, што расьсьледуе забойства чалавека ў цэнтры Адэсы. Пазьней стала вядома, што быў забіты грамадзкі актывіст, удзельнік «Рэвалюцыі годнасьці», валянтэр Дзямʼян Ганул. Ён узначальваў грамадзкую арганізацыю «Вулічны фронт».
Форум