Перад вайной у Дабрапольлі пражывала каля 30 тысяч чалавек. Горад знаходзіцца ў 20 км на поўнач ад Пакроўска, за які вядуцца жорсткія баі.
Пра начную атаку расійскіх бесьпілётнікаў паведаміў і кіраўнік Адэскай адміністрацыі Алег Кіпер. Паводле яго слоў, удары наносіліся па грамадзянскай і энэргетычнай інфраструктуры Адэсы.
«У выніку падзеньня абломкаў загарэліся вытворчы будынак і АЗС», — напісаў Кіпер, дадаўшы, што інфармацыя аб пацярпелых удакладняецца.
Тры чалавекі загінулі ў выніку атакі бесьпілотніка ў Харкаўскай вобласьці. Як напісаў у тэлеграме кіраўнік абласной адміністрацыі Алег Сінягубаў, у Багадухаве нанесены ўдар па грамадзянскаму прадпрыемству. Спачатку з-пад завалаў дасталі цела аднаго загінулага, потым яшчэ дваіх. Сем чалавек атрымалі раненьні.
Усяго за ноч тэрыторыю Украіны атакавалі 145 расейскіх бесьпілётнікаў і тры ракеты, паведамілі ў ВПС Украіны. Было зьбіта 79 бесьпілётнікаў, яшчэ 54 не даляцелі да мэты. У выніку атакі пацярпелі Данецкая, Палтаўская, Харкаўская, Сумская і Адэская вобласьці.
«Пасьля наступленьня цемры расейцы нанесьлі тры ўдары па горадзе», — напісаў кіраўнік абласной адміністрацыі Вадзім Філашкін. Ён апублікаваў фота пажару ў жылым доме.
Пашкоджаныя 8 пяціпавярховых жылых дамоў, адміністрацыйны будынак, 30 аўтамабіляў. Па словах ратавальнікаў, падчас тушэньня пажару расійскія сілы нанесьлі паўторны ўдар, пашкодзіўшы пажарную машыну.
Форум