Мінінфарм прызнаў «экстрэмісцкімі» яшчэ шэраг старонак у сацыяльных сетках, у тым ліку старонку Андрэя Дзьмітрыева

Пра гэта піша партал «Люстэрка».

Як пазначана ў абноўленым пераліку, разьмешчаным на сайце Міністэрства інфармацыі, рашэньне адносна старонкі Дзьмітрыева прыняў суд Ленінскага раёну Магілёва 5 сакавіка.

Таксама ў сьпіс трапілі сайт ініцыятывы BELPOL, тэлеграм-каналы і чаты «Напильники», Crimethlnc. Ex-Workers Collective, «Хранители», «Чат ПарламентБел», «Выведка „ТЭРОР“», «ГЦУ „ТЭРОР“», «Суполка Беларусы Уроцлава», «Оперативний ЗСУ».

Таксама ў сьпіс «экстрэмісцкіх матэрыялаў» уключаныя:

Старонкі ў Instagram: zubr_in, eurobelarus, alieh_baradzin, belaryski.patruyot.47, storks_histoty.

Старонка палітыка Віталя Рымашэўскага ў «Аднаклясьніках».

Старонкі ў TikTok: nexokeist, kirillsarychevrlz, Sapraudny Liwin, «Александр».

ГЛЯДЗІЦЕ ТАКСАМА:

Санкцыі перагледзець, амбасадараў вярнуць? Што стаіць за «маніфэстам» Андрэя Дзьмітрыева

Палітык Андрэй Дзьмітрыеў браў удзел у прэзыдэнцкіх выбарах 2020 году. Яго затрымалі ў студзені 2023 году і праз тры месяцы прыгаварылі да 1,5 года пазбаўленьня волі паводле ч. 1 арт. 342 КК (Актыўны ўдзел у дзеяньнях, якія груба парушаюць грамадзкі парадак). Дзьмітрыеў выйшаў на волю пасьля таго, як 20 красавіка 2024 году скончыўся ягоны тэрмін зьняволеньня.