У нямецкай зямлі Баварыя ў горадзе Мурнаў затрымалі грамадзяніна Расеі, якога падазраюць у забойстве нажом двух грамадзян Украіны.
Паліцыя Баварыі паведаміла, што здарэньне адбылося ўвечары ў суботу, 27 красавіка, на тэрыторыі гандлёвага цэнтру.
«36-гадовы мужчына ад атрыманых цяжкіх цялесных пашкоджаньняў памёр на месцы, другі пацярпелы (23 гады) памёр у той жа вечар у бальніцы, нягледзячы на экстраныя рэанімацыйныя мерапрыемствы», – гаворыцца ў паведамленьні паліцыі. Увечары непадалёк ад месца злачынства быў затрыманы 57-гадовы падазраваны, грамадзянін Расеі,
Абодва ўкраінцы жылі ў раёне Гарміш-Партэнкірхена ў Баварыі, кажуць праваахоўнікі.
Дэпутат Вярхоўнай Рады Ўкраіны Аляксей Ганчарэнка паведаміў, што забітыя былі ўкраінскімі вайскоўцамі, якія праходзілі рэабілітацыю ў Нямеччыне. Пазьней гэтую інфармацыю пацьвердзілі ў Міністэрстве замежных спраў Украіны.
Форум