Лінкі ўнівэрсальнага доступу

Беларусь накіравала ў UNESCO дасье для прызнаньня беларускай дуды нематэрыяльнай культурнай спадчынай


Магілёўскія дудары. Архіўнае фота
Магілёўскія дудары. Архіўнае фота

У сьнежні 2022 году ў Рэпрэзэнтацыйны сьпіс нематэрыяльнай культурнай спадчыны UNESCO уключылі «Саломапляценьне Беларусі: мастацтва, рамяство, уменьні».

Міністэрства культуры Беларусі накіравала дасье нематэрыяльнай гісторыка-культурнай каштоўнасьці «Культура беларускай дуды» ў сакратарыят канвэнцыі аб ахове нематэрыяльнай культурнай спадчыны UNESCO.

Як паведаміла дзяржаўнае агенцтва БелТА, матэрыялы падрыхтавалі ў Менскім аблвыканкаме ў 2024 годзе пры каардынацыі Міністэрства культуры Беларусі.

У 2023 годзе Міністэрства культуры Беларусі прызнала культуру беларускай дуды нацыянальнай гісторыка-культурнай каштоўнасьцю.

Беларуская дуда — духавы язычковы інструмэнт, які складаецца са скуранога мяшка, мэлядычнай трубкі (жалейка, перабор), адной ці дзьвюх басовых трубак (гук, бас ці бурдон), і трубкі для надзіманьня паветра (соска, сапель). У старабеларускай літаратуры згадваецца з XV стагодзьдзя. Першыя іканаграфічныя крыніцы дуды ў Беларусі адносяцца да XVI стагодзьдзя, калі на тэрыторыі Вялікага Княства Літоўскага пашырыліся дуды нямецкай канструкцыі.

Беларуская дуда распаўсюджаная на тэрыторыях Віцебскай, Горадзенскай, Гомельскай, Магілёўскай і Менскай абласьцей.

У сьнежні 2022 году ў Рэпрэзэнтацыйны сьпіс нематэрыяльнай культурнай спадчыны UNESCO уключылі «Саломапляценьне Беларусі: мастацтва, рамяство, уменьні».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG