Лінкі ўнівэрсальнага доступу

Палітвязень Рыгор Кастусёў паведаміў пра праблемы са здароўем


Рыгор Кастусёў, архіўнае фота
Рыгор Кастусёў, архіўнае фота

У палітвязьня вялікія праблемы з самаадчуваньнем.

Пра гэта стала вядома з допісу зяця палітыка Дзьмітрыя Антончыка.

«Дайшлі весткі ад Рыгора Кастусёва. Піша, што са здароўем усё вельмі дрэнна».

Вядома, што ў Рыгора Кастусёва анкалягічнае захворваньне. Паўнавартаснай мэдычнай дапамогі за кратамі ён не атрымлівае.

У красавіку Кастусёву споўніцца 67. З горадзенскай турмы ад палітыка даходзяць лісты, а вось званкоў ён пазбаўлены. Умовы ў турме Рыгор Кастусёў называе цяжкімі. Вядома, што, акрамя анкалёгіі, Рыгора Кастусёва турбуе варыкоз ног.

Старшыня закрытай уладамі партыі БНФ Рыгор Кастусёў быў асуджаны паводле 357-га артыкулу Крымінальнага кодэксу на 10 гадоў за нібыта «змову з мэтай захопу ўлады неканстытуцыйным шляхам». Беларускія праваабаронцы прызналі Рыгора Кастусёва палітвязьнем.

Сваёй віны Кастусёў не прызнаў.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG