У Міністэрстве замежных спраў Малдовы заявілі, што малдоўскія дыпляматы ў Вільні знаходзяцца ў сталым кантакце з памежнымі ўладамі Літвы для ўрэгуляваньня сытуацыі з пропускам аўтобуса з удзельнікамі дзіцячага хору з Малдовы.
Як паведаміла малдоўскае выданьне point.md з спасылкай на МЗС Малдовы, аўтобус не ўпусьцілі на тэрыторыю Літвы праз адсутнасьць у кіроўцы дзейнай ліцэнзіі на пасажырскія перавозкі.
«Бясьпека грамадзян зьяўляецца нашай галоўнай задачай, і мы намагаемся забясьпечыць тэрміновае перасячэньне імі мяжы», — адзначаецца ў паведамленьні.
Адначасова ў замежнапалітычным ведамстве Малдовы заклікалі ўсіх грамадзян перад ажыцьцяўленьнем замежных паездак пераправяраць тэрмін дзеяньня сваіх асабістых дакумэнтаў, а таксама спраўджваць, што выбраны перавозчык ўпаўнаважаны і выконвае ўсе правілы бясьпекі і заканадаўства.
Пазьней у Міністэрстве замежных спраў Малдовы паведамілі, што ўлады Літвы выдалі кіроўцу дазвол, безь якога аўтобус ня могу праяжджаць па літоўскай тэрыторыі. Дзеці і ўсе суправаджальнікі атрымалі ўсю неабходную дапамагу і гарачы абед.
Раніцай дзяржаўнае інфармацыйнае агенцтва БелТА паведаміла, што польскія і літоўскія памежнікі «ўжо практычна двое содняў не прапускаюць празь мяжу аўтобус зь дзіцячым музычным калектывам з Малдовы».
У паведамленьні адзначалася, што калектыў выступіў спачатку ў Польшчы, а потым ў Менску. Але вярнуцца дадому праз тэрыторыю Польшчы і Літвы не змаглі.