Кейт Мідлтан распавяла, што ў студзені ёй зрабілі апэрацыю на брушной паражніне. Анкалягічнае захворваньне было выяўлена ў выніку правядзеньня аналізаў пасьля апэрацыі. Урачы рэкамэндавалі ёй прайсьці курс прафіляктычнай хіміятэрапіі, які яна пачала ў канцы лютага.
«Гэта былі неверагодна цяжкія пару месяцаў для ўсёй нашай сям’і, але ў мяне была фантастычная мэдычная каманда, якая вельмі пра мяне паклапацілася, за што я вельмі ўдзячная», — гаворыцца ў заяве прынцэсы Валійскай.
Прэмʼер-міністар Вялікай Брытаніі Рышы Сунак заявіў, што прынцэса Валійская мае «любоў і падтрымку ўсёй краіны». Па словах Сунака, з Кейт «абышліся несправядліва» і «падвергнулі яе пільнай увазе» у апошнія тыдні.
«Калі справа даходзіць да пытаньняў здароўя, ёй, як і ўсім астатнім, неабходна даць адзіноту, каб засяродзіцца на лячэньні і пабыць са сваёй любімай сямʼёй», — заявіў Сунак.
